撒母耳记上 4章12节 到 4章18节   背景资料  上一笔  下一笔
Chit段经文描述tī战场上以色列军队失利ê消息传tńg来示罗后,以色列人民ê惊惶,以及祭司以利ê丧命,chiah-ê结果lóng是上帝早就预言有讲过ê。圣经作者有意用chit种方式teh表明,若是当时上帝ê先知kā信息传hō͘祭司以利了后,伊ē-tàng用严厉ê方式制止家己ê kiáⁿ亵渎上帝,并带领全体以色列人民悔改认罪,有可能以色列人民iáu bē致使失败到án-ne惨痛。

第12到14节,有一个便雅悯支族ê战场报信者,用「撕破家己ê衫裤,掖灰tī头壳顶」ê方式表示悲痛地走到示罗报信。全城ê人lóng因为听tio̍h chit-ê消息而惊惶号哭。因为知影会失去约柜,等于会失去上帝ê同在。Koh khah大ê灾难必定会续接teh来。

第15到18节,祭司以利当时已经九十八岁,年老眼花,只有ē-tàng透过听tio̍h ê声音辨别事物。因为án-ne,伊听tio̍h有极大ê号哭声音而询问,chiah知影伊ê两个kiáⁿ何弗尼kah非尼哈lóng tī战场上被刣死,而且上帝ê约柜mā被非利士人抢去。就án-ne,祭司以利听tio̍h chia就mā暴毙死去,伊当以色列领袖共计四十年。Án-ne,先知ê预言全部lóng应验ā。

这是第一pái记载约柜被非利士人掳行,m̄-nā约柜受掠去,而且兵败如山倒,伤亡惨重,chē kah三万四千人被刣(第2节、第10节)。这kah当年约书亚chhōa以色列人民扛约柜进攻耶利哥城ê时,不发一兵一卒,只扛约柜绕hit-ê城七工,然后tī第七工ê hit一工,绕城七kho͘-á,结果耶利哥城就倒塌了,被以色列人民占领(参考约书亚记六:1—21),形成极大ê对比。约柜原本表示ê意思是「上帝同在」,因为án-ne,以色列人民认为扛约柜出来相刣,就ná亲像扛tio̍h上帝出征一般,m̄-koh结果iáu是输à。会扛出约柜,kah in过去ê传统认知有关,就是上帝会为tio̍h他ê名誉而战,bē hō͘家己ê子民以色列人民因战败失去上帝ê荣耀。因为án-ne,当年摩西tī旷野chhōa以色列人民往迦南地前进ê时,每pái约柜往向前行,摩西就会讲:「上主ah,求祢起来!愿祢ê 对敌四散,愿怨恨祢ê 人tī 祢ê 面前逃走!(全民版)」(民数记十:35)无想tio̍h chit pái,上帝约柜却被非利士人掳行了,这岂m̄是teh说明上帝已经lán-si得驱行敌人,反tńg hō͘敌人来掠家己ê子民。

Koh讲,约柜ê名声早已经tī迦南地享受一定ê尊崇kah地位,因为án-ne,当非利士人听tio̍h以色列军队扛约柜来到战场ê时,in lóng非常惊惶。M̄-koh神圣ê约柜却是由一再亵渎神圣上帝ê以利ê两个kiáⁿ何弗尼kah非尼哈扛tio̍h,he kám m̄是teh藐视约柜ê神圣?莫怪约柜会hō͘抢去,因为上帝已经离开约柜à。M̄-nā何弗尼kah非尼哈因为án-ne死tī战场,连以利后来听tio̍h约柜被抢去ê消息mā因为án-ne而暴毙死亡。Chiah-ê lóng应验ā第二章27节hit位「神ê人」kah撒母耳tùi上帝hia传出ê消息。

以利ê死,mā结束loh以色列人民「士师」ê时代。续落来koh一pái重头tńg来「无士师」ê时代,表示以色列社会koh teh beh进入混乱ê世代,直到撒母耳接棒koh进入另外一新ê纪元。

重新查询 专卷研经 撒母耳记上系列
错误回报,请联系comm[@]fhl.net