撒母耳记上 22章11节 到 22章23节   背景资料  上一笔  下一笔
Chit段经文描述扫罗做一件非常不应该ê残酷事件,就是大屠杀祭司亚希米勒、伊ê族人,kah挪伯城ê居民,这是非常不应该ê事,mā是上帝所无法度容忍ê事件。

第11到12节,tī多益ê告状了后,扫罗随时传唤祭司亚希米勒kah伊ê全家,共计有85名,这mā teh表示chiah-ê人根本就m̄知发生甚么事。

第13节,扫罗直接提出控告亚希米勒ê罪状:一是阴谋对抗国王;二是为何资助朝廷通缉要犯大卫?三是为甚么替chit种人求问上帝?扫罗提出chiah-ê控诉ê主要原因,是认为亚希米勒「背叛」伊,而且准备ài「刣伊」。Tī当时,背叛国王等于是叛国。因为án-ne,伊认为亚希米勒帮助大卫,就等于是kah大卫共同「阴谋对抗」仝款。

第14到15节,这是祭司亚希米勒ê答辩。伊并无认为大卫是叛国者。理由有下列几点:大卫是「siōng忠心ê臣仆」,而且国王ê kiáⁿ婿,是宫廷里siōng受敬重ê人,而且伊执行祭司ê职务,向上帝询问旨意,mā m̄是第一pái。M̄-koh伊承认家己并m̄知大卫是朝廷要犯。因为án-ne,伊请求扫罗息怒, mài怪罪伊á是伊ê全家。不过,当亚希米勒提起大卫是「宫廷里siōng受敬重ê人」ê时,chit句话tú好刺伤tio̍h扫罗ê心,因为伊siōng惊ê就是民众mā有仝款ê讲法,这mā是扫罗对大卫产生嫉妒ê原因(参考十八:9),而且因为大卫战胜非利士人有功,tī民间ê声望大大超过扫罗(参考十八:16、30)。

第16到19节,扫罗当然bē接受亚希米勒chit种辩解,随时就讲伊kah伊ê亲属lóng该死。随时下命令ài侍卫刣死亚希米勒kah伊ê全家,m̄-koh无人敢án-ne做,原因可能是in知影扫罗想刣大卫ê理由并无充分。因为án-ne,扫罗故意嫁祸hō͘ chiah-ê祭司。In表现出来ê,就是m̄敢杀害无辜ê,因为这m̄是摩西律法所禁止ê事(参考出埃及记廿三:7)。因为án-ne,扫罗ài这检举人多益去杀害chiah-ê祭司。果然,多益照扫罗ê话去做。多益会án-ne做是因为伊是检举者,就一定tio̍h先出手刣死伊,m̄-koh照摩西律法规定,mā一定tio̍h有两个人以上做证人chiah thang(参考参考申命记十七:6—7,列王记上廿一:10),扫罗ê命令连chit种基本要件mā无符合。不过,多益若无出手,就表示伊ê举证是假ê,变成伊做伪证,换伊会被处死。不过有另外一个原因,是多益想beh讨好扫罗,án-ne,chiah ē-tàng保全伊ê官位,hō͘伊留tī宫廷teh过富裕ê生活。多益chit-ê刣,竟然刣死chē kah八十五位「有资格穿戴以弗得ê祭司」,这是一种「赶尽刣绝」ê作法,扫罗认为án-ne,就bē有后顾之忧。Koh khah残酷ê是m̄-nā kā所有「穿戴以弗得ê祭司」全部杀害,而且连挪伯城里所有ê人,「不管男女、婴á á是幼童」,甚至连动物lóng刣死。Chit种作法已经teh表明:扫罗ê心中根本to̍h无上帝。因为chiah-ê「牛、羊、驴á」等动物,lóng thang用来当做献祭ê动物,连in mā被扫罗刣死。Án-ne,伊m̄-nā毁了所有thang协助、参与祭典之工作者祭司,mā毁了所有thang供做献祭ê用品。Koh讲,chit-má连想beh询问上帝旨意ê「以弗得」mā无à。表示扫罗kah上帝ê关系真正是一刀两断à。

第20到23节,chit段经文讲tī大屠杀中,亚希米勒ê一个kiáⁿ亚比亚他逃掉了,伊逃到大卫hia去,大卫收留了亚比亚他,并表示会保护伊ê安全。另外一方面,大卫bat tī宫廷生活ê人,伊mā知影扫罗是一个残酷ê君王。因为án-ne,伊讲当时伊发见多益在场ê时,就深觉不妙,一定会发生抄家灭族ê残酷报复行动。伊对亚比亚他承认chit件事kah伊有关系,所以伊有责任负起亚比亚他ê安全。



重新查询 专卷研经 撒母耳记上系列
错误回报,请联系comm[@]fhl.net