撒母耳记上 20章24节 到 20章42节   背景资料  上一笔  下一笔
Chit段经文证实了大卫ê烦恼:扫罗确实beh杀害伊。Á约拿单mā因为chit件事,对老父扫罗非常不满。因为伊亲自经历到老父扫罗连伊mā tio̍h杀害。

第24到26节,ná亲像大卫kā约拿单讲ê,王宫有例行ê饭局,第一工伊无参加,扫罗认为大卫可能「tú-tio̍h hō͘伊无清气ê事」,chit句话可能是teh指利未记第十五章16到18节,申命记第廿三章10节ê律法规定,kah性行为有关ê事。

第27到29节,就ná亲像大卫预先猜测到ê,当第二工伊iáu未出席饭局ê时,就会引起注意à。Chit时果然扫罗就问起大卫ê事。约拿单mā用事先kah大卫讨论过ê答案回应,讲大卫tńg来故乡去参加家族ê聚会。

第30到31节,无错,chit时扫罗真正大发雷霆,指责约拿单,骂伊是「畜生」。伊之所以án-ne受气,是因为当老父ê扫罗想beh kā王位让hō͘ kiáⁿ约拿单,m̄-koh约拿单却m̄知只要大卫活teh一工,伊就无chit种机会。因为án-ne,chiah会想beh设计杀害大卫。伊下令无论án怎,一定会kā大卫带来处死。

第32到34节,约拿单虽然被严厉责备,伊犹原质疑地问扫罗为甚么beh刣大卫。扫罗是jú听jú受气,the̍h起伊ê矛向约拿单丢tàn过去,想beh杀害伊。约拿单为tio̍h án-ne非常受气mā真oh过到kui工都无食饭,因为伊chiah发见扫罗确实想beh刣大卫。

第35到40节,次日约拿单照样去事先约好ê所在练习射箭,并且带一个童子替伊拾箭,然后利用拾箭ê机会hō͘大卫知影伊一定tio̍h逃离扫罗。

第41到42节,chit时chūn,大卫tùi bih起来ê所在出来,伊感谢约拿单隐藏伊、庇护伊、爱伊。大卫向约拿单保证,若有一工伊掌权,一定会信守所chiù ê chōa言,照顾约拿单ê家族。

重新查询 专卷研经 撒母耳记上系列
错误回报,请联系comm[@]fhl.net