撒母耳记上 17章12节 到 17章40节   背景资料  上一笔  下一笔
Chit段经文显然kah第十六章ê资料无仝,记载扫罗并m̄-bat大卫。M̄-koh Tī chit段经文中,thang看出几件重要ê信息:

A.污辱上帝ê选民,就等于是污辱上帝ê名仝款ê严重。

B.有上帝同在ê人,即使面对tio̍h敌人mā不惊惶,就ná大卫ê诗所讲ê:「我虽然行过死荫ê 山谷,mā m̄ 惊灾害,因为祢kah 我同在;祢ê 槌、祢ê 拐安慰我。(全民版)」(诗篇廿三:4)

C.大卫m̄是靠武力取胜,却是靠tio̍h上帝赏赐ê智慧。箴言说智慧乃是tùi敬畏上帝得来ê(参考箴言九:10)。

Chit段经文描述大卫受老父之命,到前线去探望伊ê众兄哥。Chia mā同时说明大卫án怎看待歌利亚向以色列军队ê挑衅。大卫虽然年纪轻轻,m̄-koh因为有上帝kah伊同在ê缘故,而充满tio̍h勇气。所以,伊请求扫罗hō͘伊代表以色列军队,接受歌利亚ê挑战。

第12到15节,chit段经文koh一pái简略地绍介耶西kah伊ê家庭。当扫罗做王ê时,耶西已经有三个kiáⁿ去做兵。大卫替chiah-ê众兄哥看顾羊群。

第16节,chit节讲非利士人向以色列军队挑衅已长到「四十工」之久,这表示已经到à以色列军队无法度容忍ê地步,m̄-koh in soah koh m̄敢出去应战,因为大家lóng惊歌利亚,无人敢出去。

第17到19节,当两军对恃ê时chūn,chit时chūn耶西忽然ài大卫带食物去前线看伊ê三个兄哥,除了hō͘家己ê兄哥外,mā同时hō͘指挥官。然后叫大卫带一点物件tńg来,好证明伊确实是有去看tio̍h in,而且in一切lóng好。M̄-koh有另外一种看法,认为这是teh说明,耶西是beh大卫去军队the̍h军饷tńg来供给家用。因为伊有三个kiáⁿteh服兵役,对抗非利士人。

第20到25节,chit段经文是teh描述前线ê情景:以色列军队原本认为有能力thang对抗非利士人,m̄-koh每pái看见歌利亚出来挑衅,in就惊到赶紧走tńg来家己ê营寨bih起来m̄敢出去。Mā因为án-ne,扫罗王就提出刣死歌利亚就有三项丰厚ê奖赏:一是thang得tio̍h一大笔奖金。二是thang娶扫罗王ê cha-bó͘-kiáⁿ。三是税赋全免。可惜,无人敢为tio̍h án-ne奖赏卖命,因为大家lóng惊惶歌利亚。

第26到27节,大卫kah-ná对所有ê状况lóng真生份,因为án-ne询问身边ê人。「未受割礼ê非利士人」,chit句话带有藐视ê意味(参考三十一:4,士师记十五:18)。Chit句话表明以色列人民kah上帝之间有特殊关系,而「割礼」是in siōng引认为荣ê记号。M̄-koh chit句话iáu有另外一个意义,就是以色列人khiā起ê土地,不准非利士人入侵(参考创世记十七:7—14)。

「藐视永远活ê上帝ê军队」,chit句话mā出现tī第36节中。表明以色列人民就是上帝ê军队,因为án-ne,上帝就是以色列人ê总司令(参考约书亚记五:14、15,撒母耳记上十七:36)。Mā因为án-ne,圣经作者常用「万军ê统帅」来称呼上帝(参考撒母耳记上十五:2,撒母耳记下七:26,诗篇廿四:10、四十八:8,以赛亚书一:9、五:16、九:7、十:23、十三:4、十四:22、四十七:4,耶利米书十九:11、三十二:18、四十六:10、四十八:15、五十:25,何西阿书十二:5,哈该书二:23)。Chit种用法有两种意义,除了表明以色列人民就ná亲像是上帝ê军队,上帝亲自带领in相刣(参考出埃及记十四:25、31、十五:3、十七:16,约书亚记十:14)。Koh讲,mā表明上帝家己拥有军队—天使(参考以赛亚书三十七:36)。

第28到30节,大卫ê大兄因为m̄知是老父派大卫来军营ê,因为án-ne,chiah会kā伊谴责无应该丢下看顾羊群ê工作。M̄-koh这mā暗示了以利押m̄知大卫已经被膏立为王ê事。Á大卫tī以色列军队ê营寨中询问军情ê时,mā thang看出大卫已经长大了,有独立ê看法kah意见。

第31到37节,有人kā大卫绍介hō͘扫罗认bat。扫罗听大卫beh去对付歌利亚,起先无仝意,认为伊太嫩无任何相刣ê经历。M̄-koh大卫hō͘扫罗王知影伊有能力phah败狮、熊chiah-ni̍h凶暴ê野兽,必定ē-tàng phah败歌利亚。因为chit种讲法,hō͘扫罗王决定hō͘大卫去phah歌利亚。这等于是kā kui个以色列军队ê输赢全部lóng寄望tī大卫ê身上。

第38到40节,因为扫罗mā真高壮,当伊kā家己ê盔甲hō͘大卫穿上ê时,大卫因为无扫罗hit种ê块头,反而成做一种极大ê负担,伊宁可像平时顾羊ê时hit种ê穿插,换句话讲,伊tio̍h用照顾羊群ê时phah狮kah熊hit种ê装束去phah歌利亚。

重新查询 专卷研经 撒母耳记上系列
错误回报,请联系comm[@]fhl.net