撒母耳记上 16章1节 到 16章13节   背景资料  上一笔  下一笔
Tùi chit章开始是绍介以色列出现一个新ê王—大卫。这mā teh说明上帝已经确定beh废除扫罗,另立一位新ê王来代替伊ê政权。M̄-koh扫罗并m̄是随时hō͘ 上帝废掉,却是后来teh kā非利士人ê战役中,扫罗被敌人ê弓箭手射中,受了重伤,最后,伊拔出家己ê刀,「伏tī刀上自刺来死」(参考三十一:3—4)。因为án-ne,tùi chit章开始,撒母耳记上ê作者用真大ê篇幅teh绍介chit位新ê王大卫,并且特别说明当扫罗知影大卫beh替接伊ê王权ê时,便想出所有ê办法beh阻止chit-ê tāi-chì ê发生。既然这是出tī上帝ê旨意,人就算hō͘尽所有ê气力,mā无法度阻止。

Chit章mā是续接第十五章ê观点,记载对君王制度ê设立,表示反对ê意见。作者一再强调一个基本观念:只有上帝chiah是以色列人民真正君王。因为án-ne,上帝有权膏立扫罗,mā就有权废除扫罗ê王权。仝款ê,上帝决定膏立大卫来替接扫罗ê时,mā是teh表明真正领导以色列人民ê是上帝。

Chit段经文主要teh说明先知撒母耳得tio̍h上帝ê启示,去伯利恒为膏立耶西ê kiáⁿ大卫为王。M̄-koh chit pái膏立大卫ê行动,ná亲像顶pái撒母耳膏立扫罗王仝款,并m̄是tī以色列全体代表面前膏立ê,却是tī伯利恒举行,只有伯利恒ê长老kah耶西厝内人出席而已。

上帝拣选扫罗ê时,伊是便雅悯支派ê人,伊ê家族tī便雅悯支派中算是弱小ê(参考九:21)。仝款ê,chit pái上帝拣选大卫,伊是耶西厝里siōng细汉ê一个gín-á。这说明拣选ê意义,并m̄是在tī人ê条件,却是在tī上帝ê旨意。上帝beh看ê m̄是人ê外表,他所看重ê是人ê心内。

第1到3节,tī第十五章11节有记载先知撒母耳知影上帝beh废除扫罗了后,真oh过,一再为扫罗向上帝祈求。M̄-koh并无得tio̍h上帝ê同意。chit-má上帝ài先知撒母耳去伯利恒耶西ê厝,上帝已经tī耶西家chhōe-tio̍h一位新ê王。上帝ài先知撒母耳借用献祭ê方式,听从上帝ê旨意做tāi-chì。

第4到5节,撒母耳遵照上帝ê话做。伊到伯利恒mā邀请当地ê长老kah耶西ê众kiáⁿ出席伊ê献祭礼仪。

第6到7节,先知撒母耳看见耶西ê大kiáⁿ「以利押」(参考十七:13),认为伊就是上帝所beh拣选ê对象。M̄-koh,上帝ê回答却m̄是án-ne,因为上帝m̄是看外表,却是看人ê心内。Chit种信仰观念后来mā成做以色列人ê一句格言,不时被用来劝勉子女(参考历代志上廿八:9,诗篇廿六:2,箴言廿四:12、三十一:30,耶利米书十一:20,路加福音十六:15,帖撒罗尼迦前书二:4)。

第8到10节,chit三节经文描述耶西连续kā伊ê七个kiáⁿ lóng叫来见先知撒母耳,却无一个是上帝所拣选ê对象。

第11到13节,因为án-ne,先知耶利米问耶西iáu有甚么人?伊讲iáu有一个siōng小ê kiáⁿ是大卫,m̄-koh伊tī外面顾羊。先知撒母耳ài耶西kā大卫chhōa来。结果上帝kā先知撒母耳讲,大卫就是伊所beh拣选ê对象,就án-ne,先知撒母耳tī长老kah耶西kah全家ê面前膏立了大卫。作者特别强调讲「上主ê灵马上支配大卫」,而且tùi先知撒母耳油膏大卫ê hit工起,就「kah伊同在」,这lóng tī说明上帝受拣选抹油ê人,必定有上帝同在,就亲像上帝kah先知撒母耳同在仝款。Tī先知运动中,上帝拣选出来ê先知,mā lóng会用chit句「kah伊同在」来表明上帝一定会kah他所拣选ê奴仆做伙(参考出埃及记三:12,申命记三十一:23,约书亚记一:5、9,撒母耳记下七:7—9,以赛亚书四十一:8—10,耶利米书一:8、18,但以理书五:14,路加福音一:28)。

重新查询 专卷研经 撒母耳记上系列
错误回报,请联系comm[@]fhl.net