撒母耳记上 14章24节 到 14章46节   背景资料  上一笔  下一笔
Chit段经文koh一pái显示扫罗无适合继续当以色列人民ê王,作者用chit种方式诠释扫罗已经会失去上帝ê赐福,因为án-ne,伊m̄-nā失去正确ê判断力,mā无koh像过去仝款有带领以色列人民ê能力。虽然以色列人民bat因为上帝ê帮助得tio̍h战争,m̄-koh并无因为战胜而享受tio̍h胜利ê果子,相对ê,以色列ê众兵丁lóng是tī非常倦tah-tah之下,显露出对扫罗ê不满,甚至敢公开反对伊beh刣死家己ê kiáⁿ约拿单ê命令。 

第24到28节,chit段经文已经说明扫罗不体贴部属ê困难,下了严厉ê禁止令,不准tī战事结束前食任何物件,m̄-koh chit种禁止令是违反了作战士兵ê实际需要。M̄-koh无听tio̍h命令ê约拿单违背食了蜂蜜,mā听tio̍h兵丁都无得食。

第29到30节,约拿单认为老父扫罗所下ê禁令是错误 ê,bē合情理。

第31到35节,奋勇相刣ê兵丁,因为phah了胜仗,虽然iáu未全部phah赢,ē-sái讲是已经是击退了非利士人,大家lóng饿到极点ê时,有ê兵丁tùi战利品中the̍h出羊、牛等宰刣食了充饥,m̄-koh因为兵丁无注意bē-sái食带血ê肉,chit点扫罗知影了后,大大tio̍h惊,chiah赶紧开放hō͘兵丁食食物,mā同时下令禁止食带有血ê肉。

第36到40节,当以色列军队lóng食过,而且充满精神体力了后,扫罗koh想beh继续出兵攻打非利士人。M̄-koh祭司提醒伊一定tio̍h先询问上帝ê旨意。Ē-sái讲是无论怎样问都无结果。扫罗认为一定是有人犯罪chiah bē得tio̍h上帝ê 回音。因为án-ne,下令tio̍h查到底是甚么人犯罪?

第41到44节,就án-ne扫罗询问上帝,伊甚至表示就算是伊á是伊kiáⁿ约拿单犯罪,伊恳求上帝用土明á是乌陵回答,用抽签来表示,结果抽中了约拿单,扫罗问约拿单到底做kóa甚么事。约拿单承认是因为违背扫罗ê誓言,食了蜂蜜。扫罗因为án-ne决定beh刣死约拿单。

第45到46节,m̄-koh扫罗下令tio̍h处死约拿单ê时,以色列人民却坚持反对,并认为约拿单ē-tàng phah败非利士人,完全是靠上帝ê帮助chiah有ê结果。扫罗因为án-ne决定无koh追击非利士人带兵tńg去。

重新查询 专卷研经 撒母耳记上系列
错误回报,请联系comm[@]fhl.net