撒母耳记上 14章1节 到 14章15节   背景资料  上一笔  下一笔
Chit章经文主要teh说明以色列人民tī扫罗父子ê带领之下,抵挡了非利士人庞大军队ê压阵,原因是扫罗ê kiáⁿ约拿单确实是一个智勇双全ê领导者,甚至比扫罗koh khah有领导能力。M̄-koh作者beh说明真正hō͘以色列军队phah赢ê,并m̄是靠人ê气力,却是因为有上帝带领,是上帝决定beh kā非利士人交hō͘以色列人民,chiah hō͘以色列军队ē-tàng以寡敌众。作者努力透过chit段故事来说明一个中心主题:若是扫罗知影ē-tàng听从上帝ê话,约拿单应该是非常适合续接扫罗当以色列ê王。可惜,因为扫罗无遵行先知撒母耳ê话,hō͘上帝决定beh更换以色列人ê统治者。另外一方面,mā thang tùi chit章经文中看出扫罗并无亲像过去第十一章hit种精明有智慧,相对ê,chit-má ê扫罗m̄-nā是优柔寡断,甚至是显得有kóa懔neh,chit种人已经无适合当领导者。

Chit段经文讲述扫罗ê kiáⁿ约拿单确实是一个智勇双全ê领导者,伊带领身边ê侍卫进入敌营非利士人ê阵中去突击,结果搅乱非利士人,hō͘ in丧胆逃逸。

第1到3节,chia提起扫罗ê kiáⁿ约拿单是一个真有勇气ê将军,伊ài身边ê侍卫kah伊潜入敌营。Á chit件突击ê计画保密到非常完美,无人知影约拿单离开了营地。

第4到7节,约拿单对伊ê侍卫说明突击ê计画,koh khah重要ê,伊深信上帝一定会帮助以色列ê军队得tio̍h胜仗。

第8到10节,约拿单对侍卫说明伊ê计画,就是故意hō͘非利士人看见in两人,若是非利士看见而且邀请in过去,就是上帝会hō͘ in phah赢chit pái战役ê记号。

第11到12节,果然非利士人用鄙视(siùⁿ)ê语句kah态度,ài约拿单kah侍卫两人过去in ê阵营,约拿单真清楚这是上帝kā非利士人交hō͘以色列军队,chit pái一定会phah赢。

第13到15节,约拿单kah伊ê侍卫,两人就tī短短时间内,刣死约二十名非利士人ê士兵,这hō͘非利士人ê阵营大大大tio̍h惊kah恐慌。
重新查询 专卷研经 撒母耳记上系列
错误回报,请联系comm[@]fhl.net