Chit段经文说明非利士人准备全面进攻以色列。M̄-nā án-ne，koh khah hō͘以色列人民担心ê是，in ê武力兵器根本就无法度kah非利士人相抗衡。因为in连制造刀枪ê能力mā无。顶pái先知撒母耳带领以色列人phah败非利士人，mā是仝款无任何武力兵器，m̄-koh却ē-tàng phah赢in，靠ê就是耶和华上帝ê帮助。圣经作者非常强调ê一点，就是战争并m̄是完全靠武力兵器，却是óa靠上帝。Á上帝会拯救、帮助敬畏伊ê人（参考诗篇三十三：16—19）。士师时代ê底波拉phah败夏琐ê迦南王耶宾，就是óa靠上帝，却m̄是óa靠武器（参考士师记五：8）。

第15到18节，chia真清楚讲出先知撒母耳离开了扫罗，这表示扫罗kā失去先知撒母耳ê辅导，这已经为伊以后偏离上帝旨意留落来一个伏笔。扫罗身边kan-taⁿ chhun落来六百个忠心ê跟随者，加上伊真英勇ê kiáⁿ约拿单，扫罗带领chiah-ê跟随者kah非利士人准备开仗。

第19到23节，chit段经文已经清楚描绘出，非利士人ê军队kah以色列ê军队，二者之间强弱cheng差siuⁿ大。若是án-ne phah落去，以色列ê军队绝对是惨重伤亡。不讲兵器、武力，单讲人数就相差siuⁿ chē；非利士人军队chē kah「三万战车、六千骑兵，kah无数ê步兵，加得tio̍h像海滩上ê沙粒仝款」，而以色列ê军队mā只不过是跟tòe tī扫罗身边ê六百人、约拿单身边ê一千人。

Koh讲，chia讲非利士人不准hō͘希伯来人「制造刀枪」，然后解释讲非利士人会打造各式各种ê兵器，kah耕耘用ê器具。这lóng tī说明当时ê非利士人已经发展得非常先进，比起以色列人民是先进真chē，以色列人民虽然进入迦南地，m̄-koh kah-ná iáu是停留tī放牧ê生活型态中。因为án-ne，in siōng普遍ê武器，就是弓箭kah甩石机，ná亲像顶pái亚扪人威胁beh挖掉伊ê正目（参考十一：2），án-ne 会hō͘ in无法度koh再使用kan-taⁿ有ê兵器。Kui个以色列军队只有扫罗kah kiáⁿ约拿单，in两人有刀枪chit种「现代化」ê兵器而已。这就ná亲像以今á日ê美国kah非洲小国仝款。Chit段经文mā讲出以色列人民若是有「现代化」ê农具，就一定tio̍h付出真koân ê代价。看起来，chit pái ê对仗是hō͘以色列军队想beh逃离lóng会有困难，因为非利士人已经驻守tī「密抹隘口」，这是一个重要ê防守要地。