撒母耳记上 12章13节 到 12章25节   背景资料  上一笔  下一笔
先知撒母耳一面控诉以色列人民背叛上帝,m̄-koh伊iáu-koh苦口婆心地劝勉in,tī新选出来ê国王带领之下,一定tio̍h会记得遵守上帝ê诫命,只有tāi-chì奉、敬畏上帝,án-ne chiah ē-tàng hō͘ in安心生活。若无,就算是设立了君王mā是仝款会腐败、灭亡。Kui个来看,问题并m̄是在tī君王制度是m̄是比较好á是比较pháiⁿ,关键要点是对上帝有否忠实。

第13到14节,先知撒母耳提醒以色列人民,in对上帝ê祈求,上帝已经有应允in,hō͘ in一位新ê王带领in。In若是敬畏上帝,专心事奉、听从上帝,包括chit位新ê王在内,大家lóng án-ne遵从上帝ê话语,一定ē-tàng安居生活,平安无事。

第15到17节,相对ê,若是in悖逆上帝ê旨意,m̄遵守他ê诫命,上帝就会成做in ê对敌者。先知撒母耳为tio̍h beh证明伊所讲ê警语,伊tio̍h以色列人民注意看一个异象:tī炕旱(khòng-ōaⁿ)ê季节内,伊会祈求上帝hō͘天tân雷公落雨,用这当做警告ê景象。

第18到19节,上帝垂听先知撒母耳ê祈祷,果然出现天tân雷公下大雨,以色列人民lóng因为án-ne而惊惶上帝发怒。

第20到25节,先知撒母耳真严肃提醒以色列人民,一定会专心事奉上帝,绝对bē-tàng去拜假神,án-ne,上帝就会永远是in ê帮助者、守护者。Á先知撒母耳mā应允会继续教导in。Tī chia,撒母耳讲上帝beh伊继续替以色列人民祈祷,帮助以色列人民「行善道行正路」。

重新查询 专卷研经 撒母耳记上系列
错误回报,请联系comm[@]fhl.net