彼得前书 1章13节 到 1章25节   背景资料  上一笔  下一笔
Tī chit段经文中thang看tio̍h一再出现「圣洁」chit-ê词,就ē-tàng知影作者有强烈ê期待,希望所有ê基督徒lóng ē-tàng亲像圣经所教导ê,过「圣洁」ê生活,用chit种方式来显明有正确信仰á无之间ê差别。

	Tī前一段经文作者bat提起过一个真正有信心ê人,是ē-tàng通过考验ê chiah算数,并且用chit种方式来考验家己是m̄是真正有够额坚定ê信心ē-tàng抵挡恶质世代ê诱惑、迫害。Tī chit段经文中,作者提醒信仰上一个重要ê认bat:性命ê价值tī tó位?作者khah强调性命ê真正价值是tī得tio̍h永恒ê性命,而这永恒ê性命是建立tī耶稣基督ê救赎上。

第13节,「Lín ê心tio̍h准备好势」,chit句话原本ê意思是「tio̍h lín ê腰束起来」。Chit句话ê背景如果参考出埃及记第十二章11节就会koh khah清楚,hit时摩西转告以色列人,食Pôaⁿ过节暗顿ê时chūn,是beh「束紧腰带,穿鞋á,the̍h-tio̍h杖」án-ne ê姿势食。这是teh表示情况非常紧急,真可能食到一半就beh赶紧离开,á是逃走。

另外一方面,古代中东ê人若讲「束上你ê腰」,意思就是teh指tio̍h好好á做工,m̄-thang pîn-tōaⁿ ê意思。衣带宽松是teh散步ê时chiah有ê样式。

「时时警戒」,原本ê意思是teh指「清醒」,特别tio̍h注意ê是tī chia ê「清醒」,并m̄是一般所讲ê头脑清醒,却是指心灵上ê清醒。换句话讲,对信仰ê事真清楚,mā是teh指对上帝忠心,无一丝á怀疑ê意思。
作者koh一pái提起「耶稣基督显现」ê事,表示当时大家lóng teh ǹg望耶稣基督赶快来,而且深信耶稣基督就beh来临。因为án-ne,若无保持清醒ê心灵,就看bē-tio̍h耶稣基督koh再临kah显chit-má众人面前。Ē-tàng看见耶稣基督koh再临kah显现,he就是siōng大ê恩典。

第14节,chia提起tio̍h「顺服上帝」,意思是teh指tio̍h听从上帝ê话ê教导。相对tī chit节ê末句讲「以前愚昧无知」,就是teh指iáu未明白圣经ê话语,á是不遵从圣经ê教示ê意思。换句话讲,信耶稣基督ê人应该有无仝款ê所在,就是用上帝ê话当做准则,会顺服上帝Tī圣经中ê教示,而bē放纵私欲,败坏生活纪律。

第15到16节,chit两节tú好kah第14节成颠倒ê句话;tī第14节ê末后句讲「以前愚昧无知」kah「hō͘私欲支配」。Á chit两节所提起ê是「圣洁」。

作者这是引以利未记第十九章1到2节讲上帝是圣洁ê,他mā要求所有被拣选出来ê子民lóng tio̍h仝款圣洁,tī生活上有所节制,bē放纵私欲。
Chia ê「圣洁」是有一个基本标准,he就是用上帝为主。因为上帝创造人ê时chūn,就是根据他ê形像创造ê,上帝ê形像mā teh表示上帝ê神圣。因为án-ne,一个放纵私欲ê人,等于是teh污秽上帝ê形像仝款,必定会引起上帝ê震怒。

第17节,「祈祷」,是teh kā上帝讲话。Tio̍h kah上帝讲话一定tio̍h用诚实ê心灵,因为上帝察验人ê心内,上帝bē因为人用súi ê言词祈祷就受tio̍h感动,mā bē因为人拙tī口才,就bē注意听hit人ê祈祷。Chit节mā提供了另外一个早期教会共有ê观念,就是人tī chiah-ê世界上只是「寄居世间」ê旅客。Chit种「寄居」者ê观念tī第二章11节koh一pái提起。希伯来书ê作者mā有chit种看法,认为有信心ê人会承认活tī chiah-ê世界上ê日子,ná亲像生活「在世间不过是出外人kah旅客」而已(参考希伯来书十一:13)。Koh讲,chia mā提起上帝chiah是性命真正审判者,因为án-ne,对上帝chit位性命ê主宰、审判者,人应该心存「敬畏」ê态度,因为上帝是神圣ê性命之主。

第18到19节,chit两节ē-sái讲是彼得前书真重要ê经文。Tī chit两节经文中,作者用人看做siōng贵重ê金银财宝kah耶稣基督所流ê宝血互相比较。作者希望所有耶稣基督ê信徒lóng会明白,ē-tàng赎人ê罪,kā人tùi因为罪所带来ê死亡(参考罗马书六:23)中赎回来ê,就是耶稣基督tī十字架上「所流宝贵ê血」,hō͘有罪ê人因为án-ne ē-tàng得tio̍h新ê性命,而且永恒ê性命。性命是无价ê,并m̄是用金子á是银á chit种人间看做siōng贵重ê财宝ē-tàng换来ê。

作者用犹太人非常清楚ê「赎罪」观念,来说明耶稣基督就是救赎者,因为人ê性命并m̄是用金银财宝ē-tàng换来ê,耶稣基督就是用伊ê性命—被钉死tī十字架上—来赎回人ê罪,hō͘人thang kah上帝和好,并因为án-ne享受上帝所赏赐ê永恒性命。

第20节,tī第一章2节作者就已经有讲过,所有耶稣基督ê信徒lóng是「按照父上帝预定ê旨意」拣选出来ê。Chit-má koh进一步讲上帝chit种拣选,是远tī「创世以前」就已经决定好ê。使徒保罗ê书信mā有chit种看法,就是上帝远tī创造之初,就已经开始进行拯救ê计画(参考罗马书八:29—30,以弗所书一:5)。作者beh表达一件事:tī真早ê时chūn,上帝就已经开始他ê拯救计画,这计画是包括耶稣降生到世界上,lóng是tī他拯救ê计画里。所谓「预先」,其实beh表明ê就是一个有细密计画ê拯救工作。

第21节,chit节mā是早期教会非常重要teh表明信仰ê基础,he就是:m̄是人ē-tàng明白上帝ê救恩,是透过耶稣基督,chiah hō͘人ē-tàng认bat上帝。换句话讲,是因为上帝beh帮助人认bat他ê疼,他特别差遣他ê独生kiáⁿ耶稣基督降生到世界上,并且透过耶稣基督ê死,来表明对人类siōng koân ê疼,he是一种奉献ê疼,mā是牺牲ê疼,koh khah是分享ê疼。Mā因为án-ne,chiah hō͘人因为án-ne相信koh活ê耶稣基督就是上帝拯救ê记号。Koh khah重要ê就是一定tio̍h有信心kah ǹg望。因为án-ne,thang án-ne了解:有信心kah ǹg望,就是用耶稣基督koh活ê疼连结起来ê,这爱就是tī上帝ê救恩里见证出来(参考罗马书五:8)。

	第22节,chia作者提起「顺服真理」。请注意,tī chia「真理」指ê就是上帝ê话。耶稣基督teh为门徒祈祷ê时án-ne向上帝祈求讲:「求祢用真理 kā in 圣化;祢ê 话就是真理。(全民版)」(约翰福音十七:17)真理就是上帝ê疼。只有真实、牺牲、奉献ê疼,chiah是真理,是永远bē改变ê价值,mā是只有tī疼ê内面,chiah会发见性命ê可贵kah无法度抵挡ê气力。

	作者tī chia koh强调:基督徒应该知影怎样将领受自上帝来ê疼见证出来,而这见证ê方式就是tùi「彼此相疼」开始。Chit-ê「彼此相疼」就是tùi身边有「手足之情」ê对象开始。

第23节,作者koh khah进一步说明基督徒就是「重生」ê人。Chia ê「重生」kah第22节ê「洁净」是相对应ê词字;「洁净」就是teh指kā污秽、无好ê去除掉。「重生」mā就是重头koh来,kā过去无好ê、不清气ê,lóng放弃,kah-ná一个新ê面貌出现tī众人面前。作者特别指出基督徒teh过去iáu未信靠耶稣基督ê时chūn,ná亲像连连tī he已经lian去、「朽pháiⁿ」ê树枝顶,chit-má则连接tī he充满tio̍h性命力量ê树干中,性命有活力,thang发出新枝绿叶。Chit种赋予性命ê枝干,就是tùi上帝ê话来得tio̍h ê。

第24 kah 25节,chia是引用以赛亚书第四十章6到8节ê诗歌。作者引用先知ê chit段诗歌主要目的,是beh强调只有上帝ê话chiah是真理,mā只有上帝ê话带来真实ê疼。人间ê一切lóng真紧to̍h会改变,ná亲像野地ê草、花仝款,lóng是真紧to̍h会lian去死去,m̄-koh若是tùi上帝ê话做基础延伸出来ê,lóng会永远长存。

最后一句话讲「道」就是「福音」,chit句话thang比较约翰福音第一章1节所讲ê「道是上帝」,然后koh讲「道成做人,tòa tī咱中间」(参考约翰福音一:14),án-ne咱thang看tio̍h,上帝ê道就是福音,chit-ê福音就是耶稣基督(参考马可福音一:1,罗马书一:1)。
重新查询 专卷研经 彼得前书系列
错误回报,请联系comm[@]fhl.net