Chit段经文记载定居tī耶路撒冷ê便雅悯支族ê kiáⁿ孙，特别提起扫罗ê家族。

第17到18节，chit段经文是属tī以利巴力ê kiáⁿ孙。

第19到21节，这是示每ê后代。Chit位示每就是极力对抗大卫ê领导者，伊tī大卫被kiáⁿ押沙龙逼宫离开耶路撒冷ê时，诅咒大卫。Á当大卫敉平押沙龙叛乱后，tī tńg来耶路撒冷ê途中，koh出来请求大卫赦免ê人。后来，大卫晚年kā王权移交hō͘ kiáⁿ所罗门ê时，交带所罗门一定tio̍h刣死示每（参考列王记上二：8-9），而所罗门mā确实完成了大卫ê chit项遗嘱（参考列王记下二：36—46）。

第22到25节，chit段经文是关系沙煞 ê kiáⁿ孙。

第26到27节，chit段经文是关系耶罗罕ê kiáⁿ孙。

第28节，tùi以利巴力（第17节）开始，直到耶罗罕ê kiáⁿ孙，lóng是khiā起tī耶路撒冷ê宗族。

第29到31节，chit段经文是基遍城ê开拓者耶利ê kiáⁿ孙。伊kah伊ê kiáⁿ孙lóng khiā起tī chit所在。

第32节，这是米基罗kah伊ê后代，khiā起tī耶路撒冷。

第33到34节，chit段经文是关系扫罗ê族谱。Chia提起约拿单，就是大卫ê好友。后来扫罗kah伊ê头前三个kiáⁿ lóng同时战死战场（参考撒母耳记下三十一：2），只chhun伊施・巴力，chit位tī撒母耳记下第二章8节其他地方lóng是用「他施波设」chit-ê名。

第35到37节，chit段经文是关系米迦ê kiáⁿ孙。

第38到39节，是关系亚悉ê kiáⁿ孙。

第40节，chit节强调便雅悯族ê特长，就是弓箭高手。