历代志上 4章1节 到 4章10节   背景资料  上一笔  下一笔
Ná亲像头前所讲ê,因为tńg去故乡迦南重整家园ê用犹大支族ê人数siōng chē,真自然tek,kui个以色列民族ê中心,就tī犹大支族。因为án-ne,作者tī chit章中,开始绍介ê,就是tùi犹大支族ê族谱开始,而且绍介ê非常详细(第1到23节)。了后,tùi第24到43节是绍介西缅支族ê族谱。

M̄-koh会用犹大为首,mā可能是因为吕便kah老父雅各ê细姨辟拉上床(参考创世记三十五:22),hō͘ 雅各取消大kiáⁿ ê继承权(参考创世记四十九:4),排行第二ê西缅kah第三ê利未共同策划大屠杀示剑城所有cha-po͘人ê事件,引起雅各非常ê受气,诅咒了chit两个兄弟(参考创世记四十九:5—7),tùi án-ne改由排行第四ê犹大取代。Thang是án-ne iáu是有疑问。因为án-ne,有另外一种讲法,认为会先提起西缅支族,是因为西缅支族kah犹大支族是tī仝一个区域,而且后来mā是历代志作者写chit份族谱ê时chūn,西缅支族已经被犹大支族所并入à。讲白些,就是ná亲像雅各诅咒ê时所讲ê「in会分散tī以色列全境」、「散居tī以色列人中间」(参考创世记四十九:7)。

Tùi第1到23节chit份犹大族谱,thang看出官方资料ê特色,因为tī其它ê经册中都无chit份资料,只出现tī chia。

第1到2节,一开始就讲犹大有五个kiáⁿ,siōng小ê是朔巴,续落来就是绍介朔巴ê kiáⁿ孙。M̄-koh tio̍h注意chia写「迦米」,应该是迦勒chiah-tio̍h。

第3到4节,chit段族谱开始,mā会绍介人物kah in所开创ê城镇,mā就是人名kah城市ê名相叠。其中伯利恒城就是户珥ê后代开创ê,而比努伊勒则开创基多城,而以谢珥开创了户沙城。

第5到8节,chit段经文绍介提哥亚城ê开拓者亚施户ê族谱。

第9到10节,chia讲有一个人名叫「雅比斯」,chit-ê名tī希伯来文是「痛苦」ê意思。伊ê母亲替伊取chit-ê名,tú好说明伊出世ê时遭遇ê苦难,当时ê人lóng认为需要改名chiah ē-tàng改变性命ê结果。M̄-koh,雅比斯却直接向上帝祈祷,结果上帝听伊ê祈祷。这说明圣经作者ê观点:tī苦难中,向上帝祈求,必得tio̍h上帝ê垂听。

(几年前,有一本真轰动ê册,名叫《雅比斯ê祈祷》,就是teh kā读者讲,只要向上帝祈求,上帝lóng会垂听,照你所beh hō͘你。结果该册tī各地教会书房大卖。其实,chit种认知真需要重新检讨kah省思。)

重新查询 专卷研经 历代志上系列
错误回报,请联系comm[@]fhl.net