历代志上 25章1节 到 25章31节   背景资料  上一笔  下一笔
圣殿记载tī敬拜ê时需要唱歌。唱歌是o-ló ê方式之一,除了跳舞,唱歌siōng ē-tàng表现出感恩ê心境。Tùi圣经中thang看出以色列人民m̄-nā是一个宗教心真强ê民族,而且是一个tī音乐、诗歌方面真有恩赐ê民族。Tùi chit章thang看tio̍h圣殿诗班ê成形。

第1节,chit节讲圣殿ê乐团是由「大卫王kah利未人ê领袖分派亚萨、希幔、耶杜顿三个利未宗族主持礼拜ê事」。

Chia讲chiah-ê乐团ê工作,就是「beh唱出上帝ê信息」。因为án-ne,thang理解为甚么真chē先知讲预言ê时,ná亲像teh唱歌仝款摇晃tio̍h身躯,大概就是chit种唱歌ê方式。甚至真chē先知差不多lóng是诗人,像以赛亚、耶利米、以西结、约珥、阿摩司、俄巴底亚、那鸿等lóng是诗人。
Koh讲,chit节mā提起tī圣殿ê乐团会用竖琴、七弦琴、铙钹等乐器伴奏。

第2到8节,chit段经文写出亚萨、希幔、耶杜顿等三个宗族ê人以诗歌唱出上帝ê信息,以及颂赞kah感谢ê诗歌。

Chia mā讲in teh敬拜上帝ê时chūn,希幔beh指导伊ê众kiáⁿ弹奏顶面所讲ê竖琴、七弦琴、铙钹等乐器。诗篇第一五○篇作者讲in除了顶面所讲chiah-ê乐器外,iáu有吹号(号角)、打击大细无仝ê鼓等,所有chiah-ê乐器lóng是为tio̍h配合圣殿ê礼拜而用。

Tùi亚萨ê四个kiáⁿ、耶杜顿ê六个kiáⁿ,加上希幔ê十四个kiáⁿ,án-ne共计廿四个人,in「lóng是专家」,koh加上受过专业训练ê利未人音乐家,就总共有chē kah「两百八十八人」tī圣殿投入音乐ê工作。Thang想像会tio̍h圣殿音乐工作ê重要性和美。

第8节,chit节是chit章经文ê中心,说明担任圣殿职务m̄是根据背景,却是用抽签决定所担任ê职务。原因是无人ē-tàng the̍h家己ê专长á是特殊条件选择家己认为「好」ê工作。敬拜上帝ê事,即使是人看做siōng卑微ê事,mā是siōng神圣、重要ê事务。Chit种信仰ê认知kah观念是非常重要ê。

第9到31节,chit节是续接第7节所提起ê,kā chit二百八十八人根据家族分做「二十四组,每组十二人,由一个组长管理」。Mā是仝款,用抽签ê方式排出服事ê顺序表。

重新查询 专卷研经 历代志上系列
错误回报,请联系comm[@]fhl.net