历代志上 23章1节 到 23章20节   背景资料  上一笔  下一笔
Tùi第廿三章起,到廿七章止ê chit段经文,lóng是记载大卫王为tio̍h建造耶路撒冷圣殿所做ê一切准备,除了头前所讲ê,伊先替所罗门准备好势材料之外,chit-má koh kā有关圣殿建造完成后,所需要ê管理、敬拜等事宜,mā lóng是tī大卫王ê手中事先组织、分配妥当了后交hō͘所罗门。

历代志作者chit种记载想beh表明一点:大卫王对tī信仰事务ê关心,大大超过伊对宫廷、家庭事务ê重视。其实,历代志作者想表达一个基本认bat:是大卫王建造圣殿,m̄是所罗门。所罗门只不过是去执行并完成老父大卫王决定建造圣殿ê工程而已。因为所有建造圣殿ê工程,无论是建造ê经费、材料,甚至是圣殿完工后,所有beh服事ê人员lóng是大卫王准备ê。Mā因为án-ne,tī撒母耳记下第十三章以后ê宫廷内部纠纷ê tāi-chì务,tī历代志ê作者编撰中,lóng被有省略。作者beh凸显:大卫王确实是用尽所有ê心思想beh回应上帝对伊kah以色列民族ê疼。

Koh讲,大卫ê chiah-ê准备,对后来以色列人民tùi巴比伦tńg来国内了后,重建圣殿以及敬拜ê事宜有真大ê帮助,mā为利未人(祭司)ê位阶chhōe-tio̍h siōng有力ê支撑点。若是认真看,就会发见新约时代ê圣殿组织,mā是根据chit份组织系统延伸出来ê。

Chit段经文讲述大卫先召集以色列人民ê领袖,ài in调查利未族年满三十岁以上ê,然后kā之分做革顺、哥辖,kah米拉利等三组。然后分派in担任kah圣殿相关ê工作。

第1节,chit节开始就讲大卫晚年ê时,立伊ê kiáⁿ所罗门作以色列ê王。M̄-koh若是对照列王记上第一到二章,就会清楚看tio̍h bat发生过大卫ê kiáⁿ亚多尼雅设法争夺王位,mā就是宫廷发生政争ê事件。Chit项王位ê继承并m̄是真顺利。M̄-koh chit节mā说明原本以色列ê君王是由上帝所拣选,m̄-koh tùi大卫开始,却是改变做世袭。

第2到6节,tùi chit段经文thang理解建造完成后ê圣殿,规模之大,kah需要维护圣殿工作ê庞大人力相配合,而且chiah-ê工作者lóng一定tio̍h hit年满「三十岁以上ê利未人男子」,这mā是后来有一种讲法,年满三十岁chiah ē-tàng担任神圣工作。不过会采用三十岁以上,是照民数记第四章3节ê规定。Á tī第廿三章24节koh讲是「二十岁以上」,则可能是后来修订ê,原因可能kah战争人口减少,á是因为tùi受掠tńg来后,人数大减有关。大卫kā chiah-ê chē kah三万八千ê利未人分配tī四项工作:一是领两万四千人担任管理圣殿;六千人保管记录kah负责仲裁工作;四千人担任守卫;四千人作乐师。

第7到11节,chit段经文是提起利未大kiáⁿ革顺ê kiáⁿ孙,mā是简单ê族谱。

第12到14节,chit段经文是利未记第二kiáⁿ哥辖ê kiáⁿ孙,伊ê大kiáⁿ暗兰宗族ê人担任管理圣殿里ê圣物,mā负责烧香敬拜ê工作。

第15到17节,记载摩西ê两个kiáⁿ革顺kah以利以谢ê简单kiáⁿ孙名单。

第18节,这是提起哥辖ê第二kiáⁿ以斯哈只有一个kiáⁿ示罗密。

第19节,是哥辖第第三kiáⁿ希伯伦ê四个kiáⁿ。

第20节,这是哥辖第四子乌薛ê两个kiáⁿ。	

重新查询 专卷研经 历代志上系列
错误回报,请联系comm[@]fhl.net