历代志上 20章1节 到 20章8节   背景资料  上一笔  下一笔
Chit章记载大卫率兵攻打亚扪,以及后来大卫koh攻打非利士人ê情形。

第1到3节,chit段经文thang参考撒母耳记下第十二章26到31节。

Tī第十九章讲亚扪人bat用大笔金钱去雇用外籍兵团协助抵抗以色列,结果失败à。M̄-koh外籍兵团包括叙利亚等,lóng主动去kah大卫订定和平条约。M̄-koh亚扪人就是无愿意án-ne做。因为án-ne,顶pái战役了后ê隔一年,大卫手下大将军约押,就率兵去进攻亚扪人ê土地。In tùi亚扪人ê手上,夺取in ê神明米勒公偶像,神像上有一顶金冠冕是用三十五公斤ê黄金铸造ê,大卫kā顶面ê宝石取落来嵌tī家己ê王冠,iáu得tio̍h真chē战利品,并要求亚扪人做苦工。

第4到8节,chit段经文特别提起三位迦特巨人被大卫kah伊ê臣仆phah败,主要是teh说明有上帝同在ê人,即使面对tio̍h「巨人」mā m̄免惊惶,因为上帝ê能力大大超过人ê气力,ná亲像大卫iáu是孩童时代,就ē-tàng phah败巨人歌利亚仝款(参考撒母耳记上十七:41—51)。

请注意,第5节特别注明是「迦特人歌利亚ê兄弟拉哈米」,kā撒母耳记下第廿一章19节记载ê「迦特人歌利亚」ê矛盾修改过来。

重新查询 专卷研经 历代志上系列
错误回报,请联系comm[@]fhl.net