Chit段经文继续描写大卫非常可观ê战绩。

第9到11节，chit段经文讲大卫征服了以东、摩押、亚扪、非利士，kah亚玛力，而且tùi in ê所在得tio̍h了真chē黄金，chiah-ê黄金就是后来用来建造圣殿用。哈马ê陀以王听tio̍h大卫ê战绩，只有ē-tàng佩服，特别当伊听tio̍h大卫phah败叙利亚王哈大底谢ê时，koh-khah是欢喜。因为陀以bat kah哈大底谢交战过几pái，显然都无phah赢。chit-má大卫phah赢了，伊非常欢喜，就派kiáⁿ约兰带贵重ê礼物去祝贺。其实，意思就是主动表示顺服。

第12到13节，chia讲大卫手下大将亚比筛phah败以东人，并且驻军tī以东，hō͘以东只有ē-tàng顺服大卫王。大卫之所以ē-tàng有chiah-ni̍h好ê战绩，mā是上帝所hō͘ ê恩典。

第15到17节，chit段经文是大卫身边ê高级幕僚，包括军队ê元帅约押、王朝史官约沙法、祭司撒督（是耶路撒冷会幕ê祭司）、亚比亚他ê kiáⁿ亚希米勒（以色列ê大祭司）、王室书记西莱雅，比拿雅当大卫ê侍卫长，其他iáu有大卫ê众kiáⁿ，lóng分别担任朝廷官员。