历代志上 14章8节 到 14章17节   背景资料  上一笔  下一笔
Chit段经文是记载大卫王phah赢非利士人ê侵犯了后,hō͘伊tī kui个巴勒斯坦地区名声远播,无其他ê国家、部落、民族胆敢进一步侵犯。Chit段经文mā thang参考撒母耳记下第五章17到25节。

第9到10节,非利士人听tio̍h大卫已经登基做全以色列人民ê王,就想beh趁机会挑衅,主要是认为伊tú上任,政权必定bē稳,若ē-tàng趁机会phah败以色列,就ē-tàng继续控制kui个迦南平原。非利士人ê作法就是先进行抢劫,扰乱民心。Á大卫王听tio̍h chit件事了后,teh决定是m̄是出兵前伊会先求问上帝ê旨意,chit点kah扫罗王是大大无仝。大卫确定上帝会帮助伊了后,chiah决定出兵攻打来侵犯ê非利士人。

第11到12节,因为有上帝允准ê战争,就必定会获胜,这mā是以色列人民共同ê认知。大卫出兵chìn前先徵求上帝ê旨意,上帝表示thang。因为án-ne,伊出兵,结果phah败非利士人。Chit pái非利士人iáu带in ê神明来攻打以色列人民,in认为有神明ê庇佑,必定ē-tàng phah赢。结果是惨败,in tī逃亡中连in ê神明mā弃sakà。

第13到17节,非利士人就是m̄相信会输hō͘大卫,因为án-ne,in koh一pái聚集军队去攻打利乏音谷,tī hia「大肆抢夺」。大卫iáu是仝款,伊无因为顶pái phah败非利士人,就骄傲á是自认有能力,伊iáu是先求问上帝ê旨意。结果上帝hō͘大卫一个新ê指示。上帝ài大卫m̄-thang正面去攻打非利士人,他ài大卫将军队带到非利士人ê后面,靠近桑树hit-pêng攻打。上帝iáu hō͘大卫一个下令攻打ê记号,就是只要「一听tio̍h树梢有脚步ê声音,马上进攻」。上帝表示he是他已经tī大卫王军队ê头前phah头阵à。大卫听从上帝ê旨意做tāi-chì,结果大败非利士人,hō͘ in无所遁形,而tùi án-ne大卫ê名声远播,大家lóng惊大卫。因为非利士人是非常强猛而且善战ê族群,每pái进攻以色列,lóng被大卫phah败,致使其他族群因为án-ne m̄敢妄动。

重新查询 专卷研经 历代志上系列
错误回报,请联系comm[@]fhl.net