历代志上 1章1节 到 1章27节   背景资料  下一笔
Tùi第一章开始一直到第九章lóng是族谱。Chit段族谱mā是圣经中siōng长篇幅ê。Á chit份族谱开始就是tùi亚当写起,直到以色列民族全部沦落tī巴比伦做奴隶,以及in koh再tùi巴比伦回乡,chiah-ê人lóng是一脉相承落来ê。这说明一件重要ê信息:tùi被拣选到受掠,koh再tùi被掠到被tháu放回乡,lóng tī上帝ê计画中进行。另外一方面,以色列人民非常重视族谱,因为族谱是表达性命ê延续,而且非常有规矩秩序,chit对一个tùi奴隶tńg去已成废墟ê家园中beh重建ê民族来讲,mā是teh chhōe一个新ê「秩序」ê方式,是非常重要ê出发点。Á kui个族谱结构就是用大卫王朝ê体系为底,因为大卫是出tī犹大ê kiáⁿ孙,mā因为án-ne,犹大ê族谱真自然tek就占有重要ê位置。Mā因为是大卫王朝ê系统,因为án-ne就hō͘人认为chiah-ê资料lóng是出tī「官方」ê观点。

Chit章族谱是tùi亚当开始,直到以东(以扫ê kiáⁿ孙)结束,这mā teh表明上帝所关顾ê对象,其实并m̄是只有以色列民族,却是世间所有ê族群,lóng是上帝所关心ê对象。以色列民族(雅各ê kiáⁿ孙)kah其他ê民族lóng仝款,无比较特别。只是上帝beh透过以色列民族来说明上帝拣选kah拯救ê疼。

Chit段经文ē-sái讲是根据创世记ê资料编辑ê族谱。Tī编辑上有一个特色,就是先tùi雅弗、含ê kiáⁿ孙讲起,然后chiah讲闪族ê。仝款ê,tī第28节以后,tī闪族ê族谱是先tùi以实玛利、以扫等等chiah-ê属tī旁系ê族谱讲起,然后chiah讲犹大ê。

第1到4节,chit份族谱kah创世记第五章有关系,m̄-koh却是简略了真chē。Tī chit段族谱中,虽然是tùi亚当开始,m̄-koh却无提起该隐kah亚伯,却是直接就提塞特。这可能kah第四章24节所讲ê彼此残杀,因为án-ne,m̄是上帝所欢喜,结果消灭à。上帝后来决定hō͘亚当再生下一个kiáⁿ,名叫「塞特」,而当塞特生「以挪士」了后,创世记作者hō͘ chit-ê名下了一个非常重要ê意义,就是「人开始求告『耶和华』ê名」。

第5到7节,chit段记载挪亚ê三个kiáⁿ之族谱,而且是先tùi siōng小ê雅弗chit段族谱开始,这也kah创世记第十章有关挪亚族谱ê排序仝款,lóng是tùi雅弗(参考创世记十:2—4)开始写起。仝款ê mā只有歌篾kah雅完有记录落来in ê kiáⁿ孙。

第8到16节,chit段经文是关系挪亚第二个kiáⁿ含ê后代。Chit份族谱kah创世记第十章6到20节记载ê仝款。Chia mā是仝款,tī含ê四个kiáⁿ中间,只有「古实」、「埃及」,kah「迦南」有记落来in ê后代名。

第17到23节,chit段族谱是关系闪ê kiáⁿ孙。chit-ê族谱mā thang对照创世记第十章22到29节。创世记作者特别注明闪族就是「希伯」kiáⁿ孙ê祖先。Chit-ê「希伯」就是后来希伯来人ê祖先无论是tī chia á是tī创世记,lóng有强调讲希伯有两个kiáⁿ,其中有一名叫法勒,chit-ê名表示分散ê意思。因为tī伊ê时代,kiáⁿ孙无koh集中,却是分散开来到各地khiā起。

第24到27节,chia讲tùi「闪到亚伯兰」,共计是十代。Tī创世记第十一章10到26节中,有真详细记载chiah-ê世代在世间ê时间表,而且ē-tàng发见存活ê年限一代比一代减少,tùi闪ê六百岁,到亚伯兰(亚伯拉罕),就只chhun一百七十五岁(参考创世记廿五:7)而已。

重新查询 专卷研经 历代志上系列
错误回报,请联系comm[@]fhl.net