啟示錄 21章9節 到 21章27節   背景資料  上一筆  下一筆
Chit段經文是teh描述新ê耶路撒冷城,用此來譬喻新ê天地出現kah過去ê景況完全無仝款。chit-má是一座非常榮耀ê聖城,因為上帝kah羊羔就是hit-ê城ê管理者kah掌權者。作者約翰用hit-ê城無需要點燈mā會明亮,甚至光芒四射ê描述,來突顯出聖城kah人所建造ê城境界是完全顛倒ê。

    第9節,thang參考第十七章1節,m̄-koh並bē-tàng確定是m̄是仝一個位天使。chit-má所看tio̍h ê是純潔「新娘」,mā「就是羊羔ê bó͘」。

    「羊羔」,chit位詞tī本冊第廿一到廿二章共計出現七pái(參考啟示錄廿一:9、14、22、23、27、廿二:1、3)。Teh表明上帝ê拯救,ná親像一隻獻祭tī祭壇上ê羊羔,帶有救贖性命ê重要含意。另外,「羊羔」mā teh表示特別揀選ê「對象」。古早時ê以色列人,beh獻祭ê羊羔lóng一定tio̍h經過特別ê揀選,確定是無缺陷chiah thang獻tī祭壇上(參考利未記一:3、10)。

    第10節,「聖神支配tio̍h我」,chit句話thang參考啟示錄第一章10節。表示chit-má作者m̄是tī自主ê狀態下,卻是由聖神支配伊ê性命。

    「天使kā我帶到高山ê頂峰上去」,表示作者約翰chit-má是神魂離開身軀,chiah ē-tàng hō͘伊看見「異象」,mā只有chit種狀況下,伊chiah ē-tàng tī極高ê山頂上「由上帝hia、tùi天頂降落來ê聖城耶路撒冷」,意思是teh表示一個敬拜上帝ê所在,是神聖ê,mā是用上帝做中心ê國度。因為chit-ê城市有上帝khiā起、同在(參考本章第3節)。

    Tī「高山ê頂峰上」,這mā teh表示人心靈昇華到某一個層次ê時,就會經歷一般人無法度進入ê境界。

    第11到14節,新ê耶路撒冷城因為是tùi天頂降落來ê,因為án-ne「充滿tio̍h上帝ê榮光」。

    「十二」,表示chit-ê新ê耶路撒冷聖城,它帶有揀選kah「約」ê意義tī內面。因為雅各teh代表「以色列十二支族」,而雅各kah上帝立有永遠ê「約」。因為án-ne tī「十二個門」頂面lóng有寫十二支族ê「名」。Chit-ê名表明ê是立約ê記號。「每邊各有三個門」,án-ne有四邊,tú好是十二個門。

    「十二使徒ê名」,作者用chit種方式主要teh表達一個重要ê信念:舊約並m̄是單獨存在ê,卻是為tio̍h新約ê來臨所準備ê;而新約mā m̄是單獨存在,是延續舊約而來ê。因為án-ne,tī第12節說明是以色列十二支族ê名,tī第14節則說明是十二個使徒ê名。Koh講,作者講chit「十二使徒」teh代表「十二塊基石」,chit-ê基石就是代表上帝ê kiáⁿ耶穌(參考馬可福音十二:1—12),mā teh代表基督教會。

    第15到17節,用尺量城牆kah城門,這thang參考以西結書第四十到四十一章。另外mā thang tùi chia看出,chit段經文其實就是啟示錄第十一章1到2節ê擴大範圍。

    「金ê量尺」,聖經作者用「尺」teh丈量一個對象á是事物ê時,mā teh代表「審判」ê意思(參考阿摩司書七:7—9)。

    「城是四方ê」,而且長kah寬共計達「二千四百公里」,這thang想像得出這m̄是一個小城,卻是一個極大ê城。Á二千四百公里,tú好就是十二ê倍數。是一種象徵性ê含意,表明無限大,thang容納所有ê上帝子民tòa入去內面。

    城牆ê「高有六十公尺」,這是十二ê「五」倍。表示非常完整、內外lóng分得非常清楚,bē受tio̍h外力ê攻擊。因為有上帝khiā起tī其中。

    第18到21節,chia作者描述新ê耶路撒冷城牆是用「透明像玻璃ê純金造ê」,表示tùi天頂降落來ê耶路撒冷非常珍貴、純潔,連一點點á瑕疵mā無。Chit種聖殿chiah會有上帝降臨、同在。Koh khah重要ê,tī chit城ê每一個地方,lóng是純潔無比,卻m̄是只有城門而已,連城內ê街路lóng是非常純潔,lóng是「像玻璃仝款ê透明」,清澈可見。

    第22節,tī新ê耶路撒冷城內「無看見有聖殿」,這就kah舊ê耶路撒冷「有」聖殿成做鮮明ê對比。

    「全能ê上帝kah羊羔就是聖殿」,chit種「聖殿」已經無koh以獻祭為主要ê敬拜方式。一個新ê聖殿出現,mā帶來新ê敬拜方式,就是用純潔ê心敬拜(參考約翰福音四:23—24)。

    第23到24節,thang參考以賽亞書第六十章2到3節、19到20節,詩篇第三十六篇9節。

    因為上帝本身就是亮光,羊羔就是城內ê燈。光kah燈,lóng teh表示明亮,同時mā是teh表明性命ê氣力。

    第25到26節,聖經作者ài用「光」來teh代表性命、希望。用「烏暗」來表示「死亡」。因為án-ne,chit兩節tú好kah前兩節相對應。

    城內無「烏夜」,表示chit-ê上帝ê城內,無hō͘人嚇(heⁿh)驚、驚惶、擔憂,mā無危害性命ê氣力存在。Mā因為án-ne,根本就無需要城門來當做「隔離」ê需要。這mā表示tī上帝ê城內,是無彼此之分(參考以弗所書二:14),因為大家lóng仝款尊貴、榮耀,無人會因為性命受tio̍h威脅而驚惶(參考以賽亞書二:2—5)。

    第27節,相對tī hiah-ê名被登錄tī「性命冊」上ê人,就是hiah-ê tī性命冊上無記落來名ê人,in是hō͘排拒tī城外、hông棄sak ê人,chiah-ê人會親像耶穌所講ê,只有ē-tàng tī外面咬牙切齒、啼哭(參考馬太福音八:12、十三:42、50、廿二:13、廿四:51、廿五:30,路加福音十三:28)。

重新查詢 專卷研經 啟示錄系列
錯誤回報,請聯繫comm[@]fhl.net