啟示錄 20章7節 到 20章15節   背景資料  上一筆  下一筆
Chit段經文採用了以西結書第三十八到三十九章ê資料,mā同時解釋了第3節提起ê撒旦暫時被釋放出來ê情景,它雖然極力想作「困獸之鬥」,m̄-koh最後iáu是失敗à。

    Chit段mā是繼續teh描述第10節所提起ê最後審判。Tī最後審判ê時chūn,就是用上帝做中心,祂ê裁判chiah是公義、正確ê。

    第7節,「撒旦beh tùi囚禁中被釋放出來」,咱確實真oh理解為甚麼只囚禁撒旦一千年,卻m̄是永遠囚禁?m̄-koh對當時ê信徒來講,一千年差不多就是代表永遠。因為tī in ê觀念中,基督隨時beh koh再臨,hit時天地lóng會毀滅。當時是由天使the̍h一條粗大ê鍊á,kā撒旦捆縛關tī無底深淵中。chit-má是甚麼人去kā它釋放出來,並無說明,mā可能是由天使負責chit件事。

    第8到9節,「歌革」kah「瑪各」,這是teh指teh代表邪惡勢力ê領袖。In匯集了hit-ê像「海灘上ê沙hiah-nih-chē」ê氣力,想beh對敵上帝。「m̄-koh有火tùi天頂降落,吞滅了in」,無論chiah-ê邪惡ê氣力jōa大,上帝一定會tī審判ê日子來臨,tùi天頂降落大火kā in完全消滅。

    第10節,chit節提起hiah-ê「迷惑」人心ê氣力會hō͘ hiat去「火kah硫磺ê湖」,he是「日夜受折磨」ê痛苦地方(參考馬太福音三:12,路加福音十六:24)。這是上帝懲罰hit-ê誘惑人棄sak祂旨意ê「獸kah假先知」ê所在,而且chit種懲罰會「永遠bē休止」。

    第11節,chia用「白色」,表示聖潔ê意思,同時mā表示永恆ê意思。「大寶座」,表示he是上帝ê位置。

    「天kah地」lóng會消失無看tio̍h,這通常lóng是一個全新ê時代teh beh來臨ê前奏(參考第廿一章)。會有chit種看法,乃是因為天kah地lóng是上帝創造ê,當上帝beh更新創造ê時,chiah-ê舊ê創造就會消失(參考詩篇一○二:25—26),這mā是啟示錄第廿一章1節所講ê。

    第12節,chit節提起兩本冊,第一本「案卷」是每一個人ê記錄簿,記載每一個人ê言行記錄(參考但以理書七:10)。另外一本是「性命冊」。Tī啟示錄共計提起六pái性命冊ê事(另五處thang參考三:5、十三:8、十七:8、二十:15、廿一:27)。Tio̍h注意ê是負責寫落來記錄ê是每一個人所屬ê天使teh記錄(參考馬太福音十八:10)。Á記錄落來ê chiah-ê資料,就是beh做上帝審判人ê根據。

    第13節,「海」、「死亡kah陰間」,chit-ê三者總和teh表示所有已經死去ê人lóng tio̍h接受審判。並m̄是人死去就準tú好,每一個人lóng一定tio̍h接受審判,而且照每一個人ê行為來審判。

    第14節,chia ê「死亡kah陰間」,lóng是teh代表無好ê、邪惡者。Tī chia是邪惡者ê拘留所。Mā lóng會因為為被審判而受tio̍h被「hiat入去火湖裡」ê刑罰,kah hit-ê迷惑人ê魔鬼仝款(參考第10節)。

    「第二pái ê死」,意思就是徹底消滅,無koh存在。第一pái ê死,就是teh指肉體ê死,m̄-koh第二pái ê死,就永遠滅亡了(參考馬太福音十:28,路加福音十二:4—5)。

    第15節,「名無tī性命冊上ê」人會hō͘ tàn入去火湖裡。表示tī性命冊上有名ê thang享受天頂榮耀寶座,而性命冊上無名ê,就永遠消滅。

重新查詢 專卷研經 啟示錄系列
錯誤回報,請聯繫comm[@]fhl.net