詩篇 76章1節 到 76章12節   背景資料  上一筆  下一筆
Chit篇詩篇通常kah第四十六篇、第四十八篇、第八十四篇、第八十七篇、第一二二篇等hông稱做「錫安ê詩歌」,原因lóng是teh歌頌上帝ê居所—耶路撒冷,á是講錫安。主要teh歌頌上帝用祂奇妙ê作為,擊敗hiah-ê想beh侵佔耶路撒冷ê敵人。Chit首詩篇ê背景可能就是主前701年,亞述皇帝西拿基立率兵包圍耶路撒冷,猶大王希西家聽從先知以賽亞ê話,率領耶路撒冷人民óa靠上帝ê保守、看顧,上帝差遣祂ê天使進入亞述軍營中,殺害chē kah十八萬五千名亞述大軍,天一下光,亞述皇帝看見chit場景,趕緊率領殘餘部隊奔走tńg來尼尼微城(參考列王記下十八—十九:37,以賽亞書第三十七章)。

第1到3節,chia用「猶大」kah「以色列」,意思是全體以色列人民。Á「耶路撒冷」kah「錫安」mā是同意思。所謂chia有上帝ê居所、khiā家,指ê就是聖殿。「折斷」、「毀壞」敵人ê「各種武器」,這真清楚teh說明任何精銳部隊ê武器,出現tī上帝面前lóng是無用ê,上帝眼中無chit種武器,ná親像埃及精銳部隊mā不敵上帝對紅海下一句命令仝款,就全軍覆無。

第4到6節,上帝只要出責備ê聲音,萬物lóng會轉變,何況是人類ê軍隊,koh khah無法度承受上帝忿怒聲音ê tńg來擊。上帝ê命令表明上帝ê榮耀(光榮)。

第7到9節,上帝ê審判表達兩種意義,一是懲罰,另外一個是拯救。祂beh拯救被欺壓ê子民,伸手打擊強勢者ê傲慢。當上帝開庭審判,無任何人ē-tàng tī上帝「面前khiā得tòa」。

第10到12節,「劫後餘生」,指hō͘ 上帝拯救而存活落來ê子民,感受tio̍h上帝拯救ê恩典,會koh khah清楚ê回應上帝拯救ê疼。Á所有看見上帝審判威嚴ê君王,lóng會知影án怎敬畏上帝。

第12節ê「挫折」,mā表示「切割」「截斷」ê意思。

重新查詢 專卷研經 詩篇系列
錯誤回報,請聯繫comm[@]fhl.net