詩篇 74章1節 到 74章23節   背景資料  上一筆  下一筆
Chit篇詩篇真清楚,是一首團體teh唱ê哀歌,主要是記載耶路撒冷聖殿被毀而唱ê哀歌。Tùi第3節:「咱ê仇敵已kā聖殿完全摧毀了;求你來,來巡視chit片瓦礫荒場。」是「聖殿完全摧毀了」ê記錄。有幾pái事件是kah聖殿ê毀壞有關係;一是主前586年,巴比倫王尼布甲尼撒帶兵攻入耶路撒冷城,用火燒毀聖殿(參考列王記下廿五:8—9)。二是主前351年,波斯王亞塔瑟斯(Artaxerxes Ochus)為tio̍h要鎮壓猶太人ê暴動而進入聖殿,摧毀祭壇。三是主前167年,敘利亞王安提阿哥四世(Antiochus Epiphanes)kā豬獻tī聖殿祭壇頂。Bē少學者認為chit篇詩是寫tī第三pái事件了後。M̄-koh mā有學者認為應該是寫tī第一事件了後,mā就是主前586年巴比倫侵入耶路撒冷,燒毀聖殿為背景。

無論背景是甚麼時chūn,lóng thang明白這是一首哀歌,因為國家tú-tio̍h災難,而且是非常大ê災難,特別是聖殿被摧毀了,人民本來所óa靠ê信仰力量差不多是跟tòe聖殿ê燒毀而被摧毀。就tī chit種心境下,作者以第12到17節chit首詩鼓勵人民,tio̍h對上帝有信心。祂必定會伸出大能ê手,ná親像以前祂帶以色列子民出埃及一般。

第1到3節,起頭就詢問上帝,為甚麼「棄sak」了以色列人民,詩人懇求上帝m̄-thang koh再受氣à,tio̍h記念in是祂所揀選ê子民。第3節所提起ê「仇敵」真清楚是teh指巴比倫帝國,若無,就是希臘帝國時代ê安提阿哥四世。

第4到11節,chit段詩歌講述chiah-ê摧毀聖殿ê人,in怎樣搗毀聖殿中所有ê一切,in用幾近狂歡ê方式,the̍h起斧頭就tī聖殿裡亂phut。除了放火燒外,iáu用「褻瀆」上帝ê方式,想beh徹底摧毀in ê信心。

詩人tī chia詢問上帝,看見chiah-ni̍h嚴重ê褻瀆行為,上帝為甚麼iáu m̄出手嚴厲懲罰chiah-ê仇敵?In會án-ne問ê原因,是因為chhōe bē-tio̍h先知了,因為án-ne in mā無法度明白上帝ê旨意,指示in chit種情況koh-khah-chē久?Kám講上帝真正不管了mah?

第12到17節,詩人Tī chit段詩歌中koh一pái提起上帝創造ê偉大,以及帶領過in ê祖先離開埃及、行過紅海ê神跡奇事,用此方式來鼓勵伊ê同胞tio̍h對上帝有堅定ê信仰。因為án-ne,無論敵人jōa-ni̍h-á強壯有力,lóng m̄-thang koh再驚惶,因為上帝過去所行過ê神跡奇事,就夠額kā chiah-ê氣力ná親像怪獸般ê大帝國hō͘ in摧毀。

第13節b句到第14節ê「海怪」kah「海獸」,lóng是迦南人kah巴比倫人所深信海中ê毒龍、怪獸(參考以賽亞書廿七:1),mā用這海中怪獸來形容當時chiap-chiap侵犯以色列人民ê亞述、埃及、巴比倫等帝國。

第18到23節,koh一pái祈求上帝ài會記得chiah-ê仇敵怎樣teh欺負軟弱無助ê貧民,祈求上帝ê公義ē-tàng因為án-ne彰顯。In tī得意中,以狂傲ê態度teh輕視上帝ê神聖。

重新查詢 專卷研經 詩篇系列
錯誤回報,請聯繫comm[@]fhl.net