詩篇 32章1節 到 32章11節   背景資料  上一筆  下一筆
這是屬tī詩篇裡七篇懺悔詩中ê一篇,另外六篇是:第六篇、第三十八篇、第五十一篇、第一○二篇、第一三○篇、第一四三篇。Chit篇雖然是屬tī懺悔詩歌中ê一首,m̄-koh卻mā充滿懺悔後ê喜樂,這是chit首詩歌siōng大ê特色。Chit種喜樂是因為犯罪了後,得tio̍h上帝ê赦免,心靈得tio̍h了釋放而向上帝唱出感恩ê詩。

第1到2節,chit兩節連續提起「有福」,這是teh指hō͘ 上帝「赦免」、「不被上主定罪」,chit兩種人就是有福ê人。

第3到5節,詩人真清楚teh表達一個觀念:上帝清楚每一個人ê作為,包括人ê心思意念,lóng無法度隱藏。因為án-ne,「閉口」m̄講、m̄承認,並無表示上帝m̄知,祂m̄-nā知影kah真詳細,mā會因為人m̄承認所犯ê罪,而受氣。因為án-ne,詩人清楚知影只有人承認家己ê罪過ê時,上帝chiah會赦免。

第6到9節,詩人特別呼籲大家tio̍h趁性命iáu活teh ê時chūn,chhōe上帝,祈求祂ê赦免。先知以賽亞mā引用這詩人ê講法(參考以賽亞書五十五:6)。詩人tī chia teh表明一件事:認bat上帝慈愛ê人lóng會知影,tī困境中siōng好mā是唯一ê途徑,就是chhōe上帝。上帝一定會伸手保護。只有愚戇ê人chiah會想beh用家己ê氣力脫離患難。

第10到11節,第10節是相對句型,聽從上帝ê旨意kah棄sak上帝ê人,必定會有完全無仝ê後果。第11節所提起ê「義人」,是teh指照上帝旨意做tāi-chì ê人。Chit種人bē偏離正路。

重新查詢 專卷研經 詩篇系列
錯誤回報,請聯繫comm[@]fhl.net