詩篇 3章1節 到 3章8節   背景資料  上一筆  下一筆
Tī真chē無仝版本聖經中lóng有Tī chit首歌加上chit句旁註:「大衛逃避伊kiáⁿ押沙龍ê時chūn作ê詩。」可惜《現代中文譯本》無標上這旁註。詩篇中有kúi-nā首詩歌lóng有旁註是kah大衛有關ê事,親像第七篇、第十八篇、第三十四篇、第五十一到五十二篇、第五十四篇、第五十六到五十七篇、第五十九到六十篇、第六十三篇,以及第一百四十二篇等。

假使chit首詩歌是如「旁註」所講ê,大衛teh逃避伊kiáⁿ押沙龍ê時所寫ê,án-ne就需要參考撒母耳記下第十五到十八章。是因為押沙龍叛變竄奪王位,大衛感覺不妙,因為án-ne,帶忠心ê臣僕逃離耶路撒冷。因為án-ne,chit首詩歌mā hō͘人認為是一首哀歌。

第1到3節,teh逃亡ê大衛,忽然感覺到處lóng是反對伊、攻擊伊ê人,甚至chiah-ê人會講上帝已經棄sak了大衛。即使tī chiah-ni̍h惡質ê環境下,大衛iáu是堅信上帝就是伊siōng好ê護衛者,是盾牌,一定會hō͘伊恢復信心。

第4到6節,第4節ê「我向上主呼求援助」中ê「呼求」,有「大聲叫」ê意思。表明性命發生危險到teh要死亡ê時,詩人就大聲叫上帝ê救助。伊深知上帝一定會垂憐伊ê苦難,就算tī siōng無助、軟弱到ná親像睏(表示暗時),á是「睡醒起來」(表示日時頭)看見敵人大軍包圍ê時chūn,伊mā不驚惶,因為上帝會護衛tio̍h伊,hō͘伊免受災害。詩人tī chit兩節中表達了基督教信仰siōng重要ê觀念:只要有上帝kah我同在。我縱然行過死亡路徑,mā m̄驚災害(參考詩篇廿三:4)。

第7到8節,表示拯救ê上帝必定會「侮辱」hiah-ê欺負祂ê子民ê仇敵,chit種侮辱ê方法,就是kā仇敵展寶ê勝利重重地擊潰,hō͘ in ê面變形pháiⁿ看,ná親像敲掉敵人ê嘴齒仝款。詩人深信,上帝一定會hō͘伊得勝,因為上帝會看顧家己ê子民。

重新查詢 專卷研經 詩篇系列
錯誤回報,請聯繫comm[@]fhl.net