詩篇 135章1節 到 135章21節   背景資料  上一筆  下一筆
這是一首o-ló ê詩歌,是teh o-ló上帝乃是創造宇宙萬物,以及歷史ê主宰。Chit首詩篇有一個特色,就是tī開始用「tio̍h o-ló上主」,以及結尾mā是「tio̍h o-ló上主」作回應。另外,chit首詩歌中真chē句話tī頭前ê詩篇lóng有出現過。

第1到4節,chit段詩歌ná親像一位主持禮拜ê人teh宣召所有ê人民來齊聲頌讚上帝。Tio̍h頌讚ê原因是chit位上帝「至善」、「慈愛」,而且「揀選」了以色列人民「歸屬」tī祂。

第5到12節,詩人Tī chit段詩歌中講chit位創造宇宙萬物ê上帝,祂運行創造ê氣力kah旨意,tī「天」、「地」、「海洋」、「深淵」中,照家己ê旨意做tāi-chì。包括空中ê「雲霧」、「sìh-nà」、「暴雨」、「風」等,lóng會根據chit位創造主ê旨意而行。因為只有真正創造主chiah有chit種能力,hō͘所有受造物聽從祂ê命令做tāi-chì。

第8到12節簡短卻真精準地說明tùi出埃及到進入曠野,後來koh進入迦南地ê chit段旅程,tùi頭到尾lóng是chit位全能ê創造主決定ê。

是teh歌頌上帝創造ê奇妙kah偉大。第8到12節thang講是屬tī史詩, teh描述in出埃及ê故事,以及進入迦南地ê過程。Tùi第13到18節則真清楚說明in墮落跟tòe迦南人崇拜偶像神明ê罪過。第19 到21節koh一pái tńg來到歌頌,用來告知所有ê人民,真正上帝乃是創造性命ê主宰。

第13到18節,因為前段詩歌說明上帝伸出萬能ê手,續落來chit段詩歌就說明無任何一個神明ē-tàng親像chit位創造宇宙萬物,而且ē-tàng號令萬物聽從祂ê旨意做tāi-chì ê真神。

第15到18節kah第一一五篇4到8節仝款,lóng提起列國ê神明lóng是虛假ê,是用人ê手所製造出來ê。詩人強調:製造kah敬拜偶像ê人,結果lóng會親像chiah-ê偶像仝款,lóng無路用。先知耶利米則強調甚麼人聽信假先知ê話,甚麼人kah假先知所受ê懲罰仝款(參考耶利米書十四:14—16),án-ne,甚麼人拜偶像,hit人ê結局就是kah chiah-ê虛假ê偶像仝款,會hō͘上帝所毀滅。

第19到21節,chit段詩歌kah第1到4節仝款,呼召民眾來歌頌o-ló敬拜上帝,mā用仝款ê頌詞作結束。

重新查詢 專卷研經 詩篇系列
錯誤回報,請聯繫comm[@]fhl.net