詩篇 126章1節 到 126章6節   背景資料  上一筆  下一筆
這是一首感恩ê詩歌,tùi第1節就thang看出chit首詩是tùi巴比倫tńg去了後寫ê。Kā chit首詩歌比較khah第四十二篇、第四十三篇這兩首詩篇,就會看出二者之間ê極大cheng差;第四十二篇kah第四十三篇,lóng是teh祈求上帝帶領in重頭tńg來故土、家園、聖殿ê詩歌。Á這第一二六首詩篇,則已經tńg來故鄉,因為án-ne,詩中充滿歡喜、感恩ê聲音。

第1到3節,詩人講今á日ē-tàng tńg去故鄉,明明是ná親像做一場「夢」仝款,m̄-koh事實是「夢想成真」,hit種心中ê歡喜,只有ē-tàng用「歡笑」、「快樂歌唱」來表現。因為是上帝chiah有辦法kā in tùi奴隸之地帶領tńg來故鄉來。

聖經講上帝「成就大事」,通常除了用來指上帝ê創造外,mā用來形容上帝帶領祂ê子民離開埃及,以及後來tùi奴隸之地帶領in tńg來故鄉重建家園。

第4節,「像雨kā水帶tńg來乾涸ê河道」,意思是teh指祈求上帝復興in,因為in tú tú tńg去故鄉,he是荒蕪甚久ê故土,亟需要上帝ê幫助,in chiah有能力重新建造起來。

第5到6節,這是流行tī巴勒斯坦地區ê諺語,當地ê人有一種看法,tī掖種ê時chūn,一面掖種、一面流目屎,就ē-sái掖落來去ê種籽得tio̍h掖種者ê性命之滋潤,成長kah khah美好。Tī chia,詩人用來表示只要有認真重建荒廢ê耶路撒冷、故鄉、家園,必定會得tio̍h上帝ê賜福,hō͘ in得tio̍h滿溢ê成果,而顯出性命ê歡喜。

重新查詢 專卷研經 詩篇系列
錯誤回報,請聯繫comm[@]fhl.net