詩篇 1章1節 到 1章6節   背景資料  上一筆  下一筆
Chit首詩thang分做兩段落,to̍h是第1到3節kah第4到5節,第6節是結論。前段是談及好人,mā就是照上帝旨意去行ê人。後段則相對ê違背上帝旨意ê人。

第1節,連續提起三種人,一是「惡人」,二是「罪人」,三是「侮慢上帝之徒」。抵擋chit三種人ê方式,就是「不聽從」、「不跟tòe」、「m̄ kah之仝伴」。詩人講chit種人才是「真正有福」ê人,意思是teh指tī上帝面前有喜樂ê人。

第2節,chit節講出第1節所講ê ē-tàng抵擋邪惡勢力ê人,是真正以上帝ê話(律法)為根據ê人。因為有上帝ê話做基礎,chiah ē-tàng辨別善惡ê無仝,mā chiah會有能力抗拒誘惑。

第3節,chit節thang參考耶利米書第十七章7到8節。Chit節回應了第2節所提起ê,真正用上帝ê話作性命基礎ê人,會親像栽種tī溪水邊ê果子樹仝款,性命永遠欣欣向榮,充滿tio̍h活力。

第4到5節,chit兩節tú好kah第3節呈現對比。

「糠秕」是teh指hiah-ê外殼看起來好看,m̄-koh,無內容ê粟á,只要風一吹就飄行。無以上帝ê話為性命內容ê人mā是án-ne。詩人講,chit種人就是只知影作惡ê人。結局會tī kah上帝關係親密ê「義人」中受淘汰掉。

  第6節,講出chit首詩歌ê結語,就是好人kah pháiⁿ人之間一定會有無仝ê結局。

重新查詢 專卷研經 詩篇系列
錯誤回報,請聯繫comm[@]fhl.net