民數記 8章20節 到 8章26節   背景資料  上一筆  下一筆
Chit段經文koh一pái表明kā利未人分別出來,並m̄是摩西個人ê意思,卻是遵照上帝ê指示做ê。

第20到22節,chia一再重複敘述有關kā利未人分別出來,是以色列人民ê大事,大家lóng確實遵照上帝命令摩西一一地做,因為利未人ê工作lóng是kah聖幕有關,mā就是kah敬拜上帝ê禮儀相關,bē-tàng隨便。

第24到26節,chia講in工作ê年限是tùi二十五到五十歲,m̄-koh,tī第四章35節中卻講年齡是tùi三十到五十歲。有聖經學者認為:(1)可能前五年是屬tī學習ê時期。(2)另外一種可能是因為戰爭死傷ê人siuⁿ chē,致使聖殿ê祭典禮儀工作欠缺人手。(3)mā有ê學者講以前ê三十歲,是因為tī曠野時代ê會幕ê時期,搭帳棚ê生活,各種設備lóng真簡單,人力夠額。後來提早到二十五歲,是因為聖殿已經建造完成,管理範圍真闊繁多,需要ê人手khah-chē,因為án-ne,kā年齡提早到二十五歲開始。由此thang知,第四章kah chit章ê資料來源,可能是因為ê時期無仝有變化。

Koh講,第26節特別強調退休後ê利未人,iáu是ē-tàng繼續襄助其他少年ê利未人關係獻祭á是維護聖幕ê工作,m̄-koh bē-tàng單獨行動,表示in thang m̄免承擔工作ê責任。

重新查詢 專卷研經 民數記系列
錯誤回報,請聯繫comm[@]fhl.net