民數記 7章1節 到 7章9節   背景資料  上一筆  下一筆
Chit章是摩西五經(指創世記、出埃及記、利未記、民數記、申命記五本)中siōng長ê一章,共計長到89節。Chit章mā thang續落去tī出埃及記第四十章了後,摩西巡視聖幕全部lóng完工,而且看見上帝ê雲彩降臨tī聖幕裡,顯示出聖幕ê榮耀,以色列人民看見,就知影上帝臨在聖幕中,然後chit章開始說明每一個支派帶來in ê禮物獻hō͘上帝。因為án-ne,mā thang明白chit章siōng主要是teh紹介以色列十二支派ê代表者,mā是以色列各支派ê領袖(長老),in teh代表以色列各支派來到聖幕裡獻祭hō͘上帝。

Chit章mā充分顯示出「祭司文獻」ê特色,ná親像創世記第一章teh描述創造ê過程仝款,強調獻祭ê過程是相當有秩序ê。

若是注意第九章15節,就會發見hi̍t節mā是講「聖幕khiā立ê hit一工」,這表示tùi第七章到第九章,這之間記載ê lóng是kah聖幕ê規矩有密切關係。

Chit段經文記載聖幕經過摩西檢查認為完美了後,伊就用聖油抹聖幕,kah聖幕內所有ê一切器具,表示分別為聖ê意思。

第1到3節,當摩西抹所有一切器皿了後,就kā它「奉獻hō͘上主」,意思就是chiah-ê物件lóng是屬tī上帝ê,是分別為聖出來ê物件,一般人是bē-tàng摸tio̍h á是移動ê。續落來是以色列各支派ê領袖,就帶tio̍h代表in支派ê禮物來奉獻hō͘上帝。In用十二頭公牛teh代表十二個支派。

第4到5節,利未人tī聖幕內所分派ê工作m̄是teh獻祭ê禮儀,因為這部分只有祭司chiah thang做。In主要工作是作祭司ê幫手。

第6到9節,利未支族ê代表有革順kah米拉利。Lóng tio̍h分派in看管十二支派奉獻ê篷車,以及公牛,只有哥轄ê支派無,因為in負責聖幕內所有ê聖物。

重新查詢 專卷研經 民數記系列
錯誤回報,請聯繫comm[@]fhl.net