民數記 31章25節 到 31章54節   背景資料  上一筆  下一筆
Chit段經文是關係分配戰利品ê方法。

第25到31節,摩西ài大祭司以利亞撒點算一下所有戰利品。Kā它分做兩半,一半hō͘軍隊,一半hō͘全體以色列人民。其實,這mā是任何早期人類社會戰爭勝利者ê共同現象。然後tùi hō͘軍隊中ê戰利品抽出五百分之一當做獻祭hō͘上帝,mā就是交hō͘大祭司以利亞撒分配給眾祭司。然後tùi人民中間抽出五十分之一hō͘利未人。

第32到47節,chit段描寫戰利品ê清單,ē-sái講是相當豐富,單tùi「處女」人數就高達一萬六千名,就ē-tàng知影差不多是kui個米甸人lóng被消滅à。

第48到53節,chit段經文講以色列軍隊chit-pái出兵攻打米甸人,結果無任何一個人死亡,因為án-ne,in kā所得tio̍h ê貴重金銀首飾全部lóng交出來hō͘摩西處理,當做獻祭hō͘上帝。

其實,讀chit章mài認為以色列軍隊成(chiâⁿ)實kā米甸人全部lóng刣死、滅亡à。無。Chit點tùi士師記第六到八章就thang看出來。當以色列人民進入迦南地了後,iáu是仝款不時遇tio̍h米甸人ê攻擊、騷擾,因為án-ne chiah有基甸被呼召出來當士師,領導以色列人民對抗米甸人。


重新查詢 專卷研經 民數記系列
錯誤回報,請聯繫comm[@]fhl.net