民數記 3章14節 到 3章39節   背景資料  上一筆  下一筆
Chit段經文記載利未族各支派ê人數,以及in負責ê工作。

第14到20節,chia規定利未族人出世一個月以上ê男性lóng tio̍h登記落來,這kah其他支派ê人tio̍h年滿二十年以上ê cha-po͘人chiah登記,大大無仝。Chia mā提起利未有三個kiáⁿ,是革順、哥轄、米拉利。然後mā列出了chit三個人ê後代。

第21到26節,記載革順家族出世一個月以上ê cha-po͘人共計有七千五百人。同時mā記載這宗族紮營tī聖幕ê後面,in tio̍h負責看守聖幕、聖幕內面ê幕頂kah外面頂蓋、門簾、聖幕kah祭壇周圍庭園ê帷幔、院門ê門簾等等。

第27到32節,這是利未記第二個kiáⁿ哥轄。伊ê家族出世一個月以上ê cha-po͘人登記人數共計有八千六百人。In是紮營聖幕南邊,負責ê工作是看守約櫃、桌á、燈臺、祭壇、祭司tī聖所用ê器皿,以及至聖所門口ê門簾。

頂面所講兩個家族lóng是負責kah聖幕內外有關ê工作,因為án-ne,in lóng需聽從亞倫ê kiáⁿ以利亞撒ê指揮。因為伊等於是繼承亞倫ê大祭司。

第33到37節,chit段是關係利未記第三個kiáⁿ米拉利ê家族,一個月以上ê男性登記人數共計有六千兩百人。Chit-ê支族紮營tī聖幕ê北pêng。In是負責聖幕ê骨架、橫木、柱子、插座,以及chiah-ê物件所有ê附件,iáu有聖幕外院ê柱子、插座、栓子,kah索á等。

第38到39節,由摩西、亞倫kah伊ê 眾kiáⁿ紮營tī聖幕ê東邊。In負責監督所有參與聖幕工作,並且嚴格執行不准任何其他支族ê人來「侵犯」聖幕ê工作。

Án-ne,利未支族出世一個月以上ê cha-po͘人ê總人數是「兩萬兩千人」。

重新查詢 專卷研經 民數記系列
錯誤回報,請聯繫comm[@]fhl.net