Chiah-ê受派去勘查ê探子照摩西ê指示前去，mā照摩西ê要求，帶tńg來當地ê葡萄tńg來做證研究。

第21到22節，chia講chiah-ê探子進入迦南地了後，發見了幾個族群，包括有「亞希幔族、示篩族、撻買族」等，chiah-ê lóng是「巨人亞衲ê後代」，這表示chiah-ê族群lóng是生做非常高大，in甚至認為比起in，家己ná親像草蜢á仝款ê渺小（第33節）。Chit句「希伯崙比埃及ê瑣安早七年建造」，這表示希伯崙已經是一個城市à。Mā說明迦南地確實是一個真進步、繁榮ê所在。

第23到24節，chia講探眾kiáⁿ砍了一截葡萄枝，頂面有一大串葡萄，無想tio̍h這截葡萄枝竟然需兩個人扛chiah有辦法，表示迦南土地果然是ná親像上帝所講ê，是一個流奶kah蜜之地。另外，in mā帶tńg來石榴、無花果等，chiah-ê lóng是迦南地出名ê果子。另外iáu有一種chia無寫出來ê，就是橄欖。