民數記 13章1節 到 13章20節   背景資料  上一筆  下一筆
第十三章kah第十四章lóng是記載有關摩西派人先去迦南地窺探ê事。

第十三章是記載in去探勘tńg來後,四界去傳達迦南地ê情景,並且強調講mài進入迦南地。

上帝ài摩西tùi以色列ê十二個支派,每一個支族揀選一個領袖作代表去勘查迦南地。這是為tio̍h以後beh khiā起tī迦南地,一定tio̍h先進行實地勘查ê工作。

第1到15節,chit項選派領袖去勘查ê方式,就是tùi每一個族派出一名代表,十二支派共計十二個人。In主要勘查ê項目包括有:人口、土地、國勢強弱、環境好bái等等。值得注意ê是猶大支派ê代表「迦勒」,以及以法蓮支派ê「何希阿」chit兩位。後來ê猶大支派成做南國ê主力,á北國以色列,就是由以法蓮支派來管理。迦勒kah何希阿lóng是強力主張應該照上帝ê指示進入迦南地ê代表。

第16節,「嫩ê kiáⁿ何希阿改名成做約書亞」。何希阿,chit-ê名ê意思是「救恩」,á「約書亞」名ê意思是teh指「耶和華拯救」。

第17到20節,摩西吩咐chiah-ê代表進入迦南地,tio̍h注意幾件事:一是地理環境;二是有jōa-chē人口;三是人口ê素質;四是防衛系統是m̄是周全;五土地是m̄是肥。最後是ài in kā當地土產ê果子帶tńg來。因為tùi果子是m̄是肥碩,就ē-tàng看出土地以及當地農業栽種ê狀況。

重新查詢 專卷研經 民數記系列
錯誤回報,請聯繫comm[@]fhl.net