彌迦書 2章1節 到 2章13節   背景資料  上一筆  下一筆
任何一個ê時代lóng有一個共同現象,to̍h是國家ê滅亡並無只有外來強權ê攻擊,koh khah m̄是因為發生天災,一個國家會滅亡,tùi án-ne是因為該國ê領導群真腐敗,只知影貪污、枉法,hō͘一個社會無公義ê準則,chit種社會真緊致使國家ê衰亡。

    有kóa人看一個國家ê滅亡,是tùi經濟ê角度去看;有ê人是tùi政治ê問題去探討;另外有kóa人是用社會ê角度去審視問題;koh khah有ê人會tùi國防軍事裝備看現象。Chiah-ê lóng說明一個國家是m̄是強盛ê因素。M̄-koh聖經中ê先知並m̄是tùi政治、軍事、經濟、社會ê角度看,卻是tùi宗教信仰ê立場反省一個國家、社會ê問題所在。原因真簡單:一個社會如果tī信仰上真亂,chit-ê社會必定bē安寧。信仰態度無忠實ê社會,人民就會放縱情慾,koh khah會對弱小貧困ê人民採取欺壓ê手段,hō͘社會失去公義ê準則,無是非ê觀念,chit種社會、國家遲早必定會滅亡,m̄免敵人、伊族、別國ê人攻phah,家己mā會分裂敗pháiⁿ而滅亡。

	先知彌迦反映出主前第八世紀ê北國以色列kah南國iáu大ê情景,tī第一章伊就已經講出北國以色列會滅亡(參考一:5—7),而南國ê iáu大mā無好到tó位去(參考一:9、16)。Tī第一章提起先知彌迦針對以色列人民ê問題提出指責,伊講上帝beh審判以色列人民,原因就是用色列人民背叛了上帝,對上帝無忠實。先知彌迦指出以色列人民拜偶像ê行為非常猖獗,引起上帝極大ê憤怒。Chit-má所讀ê第二章則進一步指出以色列人民ê社會中,因為tī信仰上ê腐敗,行為便出現墮落kah無妥當ê行為,以kah當先知傳講上帝ê信息ê時,人民不接受ê反應。

	第1節,先知彌迦指出chiah-ê「圖謀做pháiⁿ ê人」,是連「倒tī床頂」mā teh思考做pháiⁿ ê事。當「天一下光」,就開始去做tī床頂所想tio̍h ê pháiⁿ事。這ná親像創世記第六章5節所講ê:「上主看見人類ta̍k個邪惡,頭尾心懷惡念。」

第2節,chit節真清楚指出chiah-ê人所犯ê罪行。In貪取別人ê「田地」、「房屋」等財產。真顯然地,這表示tī先知彌迦ê時代,貪婪ê風氣已經盛行,chiah會hō͘先知彌迦一定tio̍h嚴詞譴責。甚麼人有能力去貪圖別人ê土地、房屋,kah其伊財產?必定是tī社會上有地位、權力ê人。Ná親像先知阿摩司teh指責北國以色列人民所犯ê罪行仝款(參考阿摩司書三:10、15、五:10、12、六:4—6)。仝款是主前第八世紀ê先知何西阿,伊mā是仝款指責北國以色列人民所犯ê罪過,mā指責有權勢ê人欺騙,偷the̍h,tī街路搶劫(參考何西阿書七:1—2、何西阿書六:9、十二:7—8)。In所做ê chiah-ê行為lóng是違背十誡(參考出埃及記二十:17,申命記五:21)。

	第3節,講上帝beh出手懲罰chiah-ê做pháiⁿ ê人。原本chiah-ê有權勢ê人行起路來往往是昂首闊步,自認為真了不起,現tī上帝beh hō͘ in「koh khah án怎都無法度昂首挺胸地行路」,因為上帝beh kā「災難」降tī in ê「身上」,hō͘ in「無法度逃避」。所指ê災難to̍h是hō͘敵人來侵犯in,並而且kā伊俘虜當做奴隸對待。

	第4節,上帝懲罰in ê方式,to̍h是kā北國以色列chit-ê國家交hō͘敵人亞述帝國來佔領in。Chit時,in就會聽tio̍h tī「悲慘ê經驗」中所編織出來ê「輓歌」。Á這輓歌ê內容真清楚指出:上帝beh the̍h走in過去所有ê「地產」,kā in所有ê「田地交hō͘搶掠」in ê人,to̍h是亞述人。類似chit種信息先知以賽亞mā提醒過(參考以賽亞書三十三:1)。

	第5節,chit節講出一個基本ê認bat:土地是上帝所有,m̄是人家己擁有ê產業。所以用詐欺、惡質手段得tio̍h ê土地,將來上帝「收tńg來土地」重新分配ê時,chiah-ê人以後be7 koh有份。意思是teh指chiah-ê人會成做居無定所ê流浪者。這真清楚,表示以色列人民會淪落到外國當別人ê奴隸。

    第6到7節,chit兩節是「民眾」聽tio̍h先知彌迦chit種信息後ê反應,in除了非常惱怒外,koh khah進一步beh阻止先知彌迦繼續對in講chit種tī in聽來非常刺耳ê「不吉利ê事」。這kah先知阿摩司ê經驗仝款(參考阿摩司書七:12—13)。注意ê是第7節真像假先知ê話語模式,to̍h是the̍h上帝ê恩典當做擋箭牌,講上帝是「仁慈」ê,bē「真正」用chit種方式對付祂ê選民,chit種話語模式真像先知耶利米ê時代ê假先知仝款,in kā以色列人民講,上帝為tio̍h家己ê榮耀kah面子,絕對bē hō͘耶路撒冷城被敵人佔領,而聖殿是上帝ê居所,上帝koh khah bē hō͘敵人來污穢伊。所以,躲tī耶路撒冷城裡是安全ê,特別是tī聖殿中koh khah是thang靠,絕對bē有性命ê危險(參考耶利米書七:8—11)。

第8節,「外衫」,這是用來禦寒用ê,特別是當有人sàn-chhiah而需用外衫作抵押借錢ê時,債權者就一定tio̍h tī日落chìn前kā外衫送iáu hō͘這sàn-chhiah人(申命記廿四:10—13)。Chit-má是連當軍人ê tùi戰場上tńg來,原本是想講ē-tàng安然歇睏一下,taⁿ卻連in thang安居ê所在mā無,因為tī in去為國家相戰ê時,hiah-ê權貴已經霸佔了伊ê厝,這是jōa-ni̍h-á thang惡ê行為。Chit句「tùi背後偷the̍h in ê外衫」,意思指有權勢ê人m̄-nā無感謝chiah-ê為國家安危去相戰ê軍人,iáu想出所有ê辦法侵佔in ê房地產,chit種人koh再怎樣講、辯解,lóng hō͘人無法度接受。

第9節,chit節講出chiah-ê眾達官顯要ê行踏koh khah惡質;in kā一kóa弱勢家庭當做犒賞品一般用來獎賞hō͘ hiah-ê升官者,造成in ê家庭破碎妻離子散。因為chiah-ê有權勢ê貴族剝削sàn-chhiah人家,koh kā些無法度iáu債ê sàn-chhiah人ê gín-á當做商品賣。

第10節,這是上帝審判ê結果,beh hō͘ chiah-ê貴族tam-tio̍h居無定所ê結果;in原本是盡一切所能搜刮別人ê土地、房屋、財產,甚到是別人ê bó͘兒等等,taⁿ上帝beh加倍重罰in,hō͘ in所有ê一切lóng「毀滅」。

	第11節,這是一節真諷刺ê話,講明tī先知彌迦ê ê時代,有真chē假先知出現,in傳ê信息lóng是一般人所愛聽ê。Tio̍h注意ê是,先知彌迦指出來chiah-ê假先知所傳出ê信息是:「大富大貴」ê信息。In講上帝會賞賜真chē財富hō͘人等等,類似chit種信息,chiah是siōng敗pháiⁿ信仰ê假話。

	第12到13節,上帝beh親像一個顧羊人koh一pái集合祂hit-ê失散ê羊群。Chit種信息mā出現tī先知以西結ê信息中(參考以西結書三十四:11—15)。先知彌迦ê ê時代,是社會失落公義ê準則,官員貪污,敗pháiⁿ了社會紀律,tī he樣ê ê時代內面,hiah-ê受欺壓而感覺性命非常無助ê貧困者不時會發生哀號ê聲音,就tī hit時候,先知彌迦傳出上帝beh重新帶領in,像「顧羊人」重新chhōe tńg來祂ê羊群,照顧in,kā in賜福siōng好ê生活環境,hō͘ in因為án-ne而ē-tàng koh一pái「人丁興旺,像牧場上有繁chē ê羊群」chit種充滿tio̍h性命ê活力。Á這是因為上帝kā親自成做in ê「君王」,上帝「會親自帶領in」。


重新查詢 專卷研經 彌迦書系列
錯誤回報,請聯繫comm[@]fhl.net