這是馬太福音特有ê資料，mā是一則鮮明ê譬喻。

第28到30節中，耶穌以兩個kiáⁿ做譬喻，第一個kiáⁿ聽老父ê吩咐後，當場講「m̄去」，m̄-koh後來後悔，就照老父ê吩咐去做。第二個kiáⁿ是對老父ê吩咐講「好」，結果並無去。

顯然地，第二個kiáⁿ ê態度，就是猶太人宗教領袖ê縮影，kan-taⁿ會講，bē做（參考馬太福音廿三：3）。

第31節，beh「成做天國ê子民」，就是beh遵照上帝ê指示去做。因為天國就是用上帝做中心，聽從上帝ê指示。

第32節是耶穌對這譬喻ê解釋，表示「抽稅ê kah娼妓」，原本是被拒絕進入葡萄園ê對象，卻因為後來聽行洗禮約翰傳出ê信息，照所「指示」ê去做。M̄-koh，chiah-ê宗教領袖原本就應該去做ê，卻是拒絕á是無去做，án-ne講起來，抽稅ê人kah娼妓比in koh khah快成做天國ê子民。