馬可福音 9章33節 到 9章37節   背景資料  上一筆  下一筆
馬可福音ê作者tī編輯上特別ê所在,就是kā耶穌預言受難ê記事,第二、三pái了後lóng續落來眾門徒teh爭位á大細ê事件。Chit種編排方式突顯出來ê是:眾門徒真正是bē明白耶穌teh beh受難ê意義。Á是講,kui個猶太民族所關心ê iáu是政治運動,kah耶穌所宣揚ê「上帝國」信息明明是南轅北轍。

第33到34節,「lín tī路上爭論些甚麼?」顯然沿途ê中間,門徒lóng tī爭論著「甚麼人siōng偉大」chit件事。

第35節,「誰beh居首,甚麼人就tio̍h居後,作大眾ê奴僕。」chit句話成做基督教信仰ê經典,表明tio̍h用「奴僕」ê認知來看性命ê問題。Ná親像使徒保羅所講,耶穌是取奴僕ê形像到世界起來(參考腓立比書二:7)。

第36到37節,耶穌用一個「細漢gín-á」作教材,ài beh門徒學習「接待」ê功課,這是teh指kā gín-á當貴賓仝款,á接待者就是「奴僕」ê角色。細漢gín-á tī猶太人社會無地位、身分,因為計算人口ê時,細漢gín-á是不列入計算對象。

重新查詢 專卷研經 馬可福音系列
錯誤回報,請聯繫comm[@]fhl.net