馬可福音 1章40節 到 1章45節   背景資料  上一筆  下一筆
癩ko病人ē-tàng想出所有ê辦法來到耶穌面前,必定是冒了真chē性命危險。因為chit種病人是被隔離ê,若beh入城一定tio̍h大聲hoah家己是「無清氣」ê人(參考利未記十三:45—46)。因為án-ne,當伊來求耶穌醫,必定是因為伊聽tio̍h關係耶穌ê事,hō͘伊有充分ê信心,相信耶穌ē-tàng醫伊。為tio̍h án-ne,hō͘耶穌動了「憐憫ê心」,並且「伸手摸伊」。憐憫ê心,mā teh表示上帝對人類苦難ê拯救行動。耶穌伸手摸伊,這非常違反當時hiah-ê人ê認知,因為癩ko病屬tī無清氣,耶穌若是一摸伊,就連家己mā無清氣à。耶穌ài伊照摩西律法規定去辦理所有ê手續,hō͘家己恢復潔淨ê人,thang過社區共同生活。

Ē-sái講是chit-ê人並無照耶穌囑咐ê「mài kā任何人講」,卻是大力宣揚伊領受tio̍h ê恩典。結果chit-ê人所做ê,反tńg造成耶穌福音工作ê障礙,耶穌只好避到偏僻ê所在。M̄-koh,民眾為tio̍h beh看見耶穌ê特有能力,猶原「tùi各地來chhōe伊」。

重新查詢 專卷研經 馬可福音系列
錯誤回報,請聯繫comm[@]fhl.net