馬可福音 1章1節 到 1章8節   背景資料  下一筆
馬可福音ê作者對耶穌降生ê故事kah-ná無興趣,伊ê重點無khǹg tī耶穌ê降生,卻是tī耶穌ê言行。

第1節,chit節是馬可福音ê結論,作者故意kā它編輯tī siōng頭前,chit點mā是馬可福音編輯上ê特色。作者用結論作開場白,kā咱講耶穌基督就是上帝ê Kiáⁿ,mā是福音ê本身。然後tùi第2節開始,beh紹介耶穌基督是甚麼人kah伊ê事工。

第2到3節,chia寫講「先知以賽亞tī伊ê冊上記載」,其實第2節是引用瑪拉基書第三章1節chiah正確。第3節chiah是引用先知以賽亞ê冊第四十章3節。表明ê意思是上帝ê拯救來臨à。

第4到5節,行洗禮約翰出來傳福音ê第一句話是「lín tio̍h悔改」,悔改是表明「改變」,tùi pháiⁿ ê變成好ê。悔改chiah是得tio̍h上帝赦免ê唯一途徑。民眾聽伊ê呼籲,kui個巴勒斯坦地區ê民眾lóng來領受伊ê施洗,表明願意悔改。悔改,mā是kui本聖經ê中心信息。

第6到8節,行洗禮約翰chit種樣式,kah先知以利亞ê樣式真相近(參考列王紀下一:8)。伊公開宣告有一位tī伊了後來ê,比伊koh khah重要,伊是用水洗禮,hit位tī伊後壁來ê,是用「聖神」為大家施洗。這「聖神」是teh指上帝ê能力。


重新查詢 專卷研經 馬可福音系列
錯誤回報,請聯繫comm[@]fhl.net