Tùi第一章14節開始，直到第八章26節止，lóng是記載耶穌tī加利利地區傳上帝國信息，kah伊所行ê神跡奇事等記事。

Tī行洗禮約翰「被關進監獄以後」，耶穌開始「到加利利去，宣講起帝國ê福音」。上帝國（á是上帝ê國），這是馬可kah路加兩本福音書所用ê字。Tī馬太用「天國」，意思仝款，指以上帝為性命之主ê意思。

伊傳福音mā招收門徒，表明伊是一個老師。第一pái招收ê門徒有兩個兄弟，就是西門（後來koh稱做彼得）kah伊小弟安得烈，續落來是招收雅各kah約翰。In lóng是聽tio̍h耶穌ê呼召，就「馬上」放下所有ê一切跟tòe耶穌去à。馬可福音作者無詳細說明為甚麼這兩對兄弟願意án-ne跟tòe耶穌去。