馬可福音作者對耶穌受試探ê過程並無重視，伊重視ê是耶穌已準備好傳福音ê工作，所以，tùi第4節到13節，就kah-ná是耶穌出來工作ê一段序言，然後tùi第14節開始紹介耶穌ê工作。

馬太、馬可，kah路加等chit三本福音書lóng講耶穌是tī聖神ê帶領下，到曠野去受「撒旦」ê試探。撒旦是誘惑者，mā是性命ê對敵者，是引誘人棄sak上帝ê氣力。

Tī「曠野」長到「四十工」，表示tī siōng惡質ê環境下，忍受撒旦所有ê誘惑、攻擊。M̄-koh耶穌並無受tio̍h任何誘惑，了後，就有「天使服侍伊」。