路加福音 1章57節 到 1章80節   背景資料  上一筆  下一筆
行洗禮約翰ê出世,chiah解除撒迦利亞因為心中懷疑所帶來ê「懲罰──啞口」,伊一開嘴就是頌讚上帝ê恩典。

A. 第68到79節,就是撒迦利亞頌讚ê詩歌。因為chìn前有天使ê預言告知,所以撒迦利亞知影伊ê gín-á約翰將來所beh扮演ê角色,以及工作,因為án-ne,chit首詩歌mā是teh表明伊對家己ê gín-á約翰ê認知,親像第76節形容約翰是「至koân上帝ê先知」,á tī第32節天使kā馬利亞講中,形容耶穌kā「hông稱做至koân上帝ê Kiáⁿ」,這 明顯ê講出in兩人之間ê位階無仝。Kah後來行洗禮約翰對詢問伊身分ê人,伊lóng真清楚講出家己是替chit位「至koân上帝ê Kiáⁿ」脫鞋á mā不配(路加福音三:16)。

B. 傳福音工作ê人,就是一定tio̍h先清楚家己ê角色,知影家己ê使命。絕對無法度hō͘家己「成做」上帝,這是非常重要ê認bat。

C. 看,行洗禮約翰是tòa tī「曠野」,koh tī「曠野」直到伊出來傳福音。曠野,這是訓練一個人順服tī上帝ê旨意siōng好ê場所。Ná親像摩西hō͘ 上帝呼召beh去埃及帶以色列人出埃及ê時,上帝kā伊帶到「曠野」,用長到四十年ê時間訓練伊hō͘伊完成被賦予 ê任務。

重新查詢 專卷研經 路加福音系列
錯誤回報,請聯繫comm[@]fhl.net