士師記 20章1節 到 20章17節   背景資料  上一筆  下一筆
因為利未人kā伊ê細姨ê屍體切做十二塊,並且kā它分發到十二支族hia,結果引發以色列同胞ê憤慨,in聲言beh討回公道。

Chit章顯然有kóa誇大描述十一支派聯盟kah便雅憫支派ê內戰慘況,m̄-koh重要ê是teh講述便雅憫支派後來戰敗,tī一夕之間就變成十二支派中siōng弱小ê支派,而且面臨差一點á滅族ê危機,koh khah嚴重ê,這十一支派聯盟出手之殘酷,是連gín-á lóng殺。Ná親像基比亞ê人對待這外出ê利未人ê細姨hit種不人道,仝款ê,其他支族ê人mā好無gōa chē。這lóng tī說明kui個以色列人民確實是人人lóng隨心所beh去作家己歡喜ê事,m̄-koh卻是上帝眼中邪惡ê行為。

Chit段經文teh描述十一支派聯盟出兵beh懲罰便雅憫支族ê人ê前,in確實有經過調查,hō͘事件koh khah清楚,並且ài便雅憫支族ê人kā基比亞城ê無賴交出來接受懲罰,m̄-koh便雅憫支派ê人拒絕chhap,並mā決定出兵kah其他十一支派ê聯盟對抗。這mā說明一個重要問題:犯錯,卻無承認,這是非常錯誤ê行為。

第1節,chit節講出當時以色列民族佔領ê土地範圍,就是tùi北部ê「但」到南部ê「別是巴」;東邊邊界ê基列到西邊ê地中海等地。

第2節,chit節講「以色列各支族ê首領lóng出席了chit pái上帝子民ê聚會」,這是進入迦南地安居後第三pái有chit種聚集,第一pái是tī約書亞記第十八章有關分配土地ê事,「全體人民lóng聚集tī示羅」,第二pái是記載tī約書亞記第廿二章,因為約旦河東岸ê二支族半tī基利祿建造一座祭壇,而引發其他支族ê緊張。Chit pái是第三pái。M̄-koh,這一pái比較像第二pái ê聚集,因為,第二pái ê聚集是關係支族之間ê互動,chit pái ê聚集mā是kah支族之間ê互動有關係。M̄-koh chia特別註明講是「各支族首領lóng出席了」,而且有「步兵四十萬人」,chit句話已經teh表示chit pái會議,是一件軍事會議,同時說明這十一支派聯盟共有ê兵力。

第3節mā說明便雅憫支族ê人已經聽tio̍h chit件事ê風聲,m̄-koh並無代表出席chit pái會議。因為事件是發生tī in ê轄區之內。

第4到7節,chit段經文是chit群來自十一支族ê領袖詢問chit位利未人,伊詳細地描述事件發生ê經過,雖然chit種描述kah伊推出家己ê細姨保身有cheng差,m̄-koh事實是伊ê細姨被輪姦致死chit件事完全符合。然後伊問chiah-ê首領,該怎樣替伊伸冤。第5節是重要ê一節,因為chit位利未人表明是因為基比亞人beh「刣」伊,後來kā伊ê細姨凌辱致死,chit種講詞其實m̄-nā是加重了犯案者ê罪刑,mā緩和了伊tī第6節肢解細姨屍體ê嚴重性。Mā因為伊chit種作法,激發了以色列人民teh進入迦南地一段時間後,第一pái「團結一條心」(第11節)。

第8到11節,「帳棚」,指ê是in tī曠野流浪ê年代。「tòa厝」,表示in已經tī迦南地定居。Tī chit段經文中,in表示無論是tī怎樣ê生活環境下,lóng m̄應該做出chit種邪惡ê行為。因為án-ne,in決定懲罰便雅憫支族tī基比亞ê人,chia作者特別強調這是以色列人民進入迦南定居了後,第一pái chiah-ni̍h團結。

第12到14節,照理講應該先hō͘便雅憫人有一個說明ê機會chiah-tio̍h,為甚麼無?為甚麼便雅憫人會「挺」基比亞人?這背後ê原因,可能是對事件ê看法有無仝ê立場;可能是因為出tī「以掃」kah「大衛」傳承資料ê無仝,因為前者是便雅憫了kiáⁿ孫,而後者則屬「猶大」ê。Koh講,如果是懲罰ê對象kan-taⁿ限tī hiah-ê作奸犯科ê人,比較容易被接受,m̄-koh若是擴kah其他無辜ê,則oh得被同族ê長老接受。第13節強調以色列其他支族代表ê要求是合理ê,因為in beh ê是懲罰「無賴」。可惜ê是,便雅憫支族ê人m̄-nā不接受,反tńg是用強硬ê態度beh kah十一支派聯盟作戰,這就引發了以色列人民進入迦南地後,第一pái同胞相殘(就是現今ê「內戰」)。

第15到17節,chia特別提起基比亞ê居民,召集ê七百名勇士lóng是「使用倒手」ê,這kah第三章15節提起第二位士師「以笏;伊是便雅憫族人基拉ê kiáⁿ,習慣用倒手」,可見習慣常常使用倒手甩石頭kah射箭,是便雅憫支族ê專長(參考歷代志上十二:2)。Chia講基比亞人挑選出來ê勇士非常傑出,chiah會tī hàiⁿ石頭ê功力上「毫髮不差」。便雅憫支族總共兵力是兩萬六千名,而基比亞城ê居民mā精挑了了七百名所講ê「神槍手」, ē-tàng hàiⁿ石頭ê時一屑á都無差。M̄-koh相對ê,以色列十一支派聯盟軍隊共計有四十萬受過訓練ê士兵,這表示雙方ê兵力相差非常懸殊。

重新查詢 專卷研經 士師記系列
錯誤回報,請聯繫comm[@]fhl.net