約書亞記 9章1節 到 9章15節   背景資料  上一筆  下一筆
Chit章記載迦南地ê族群聯合起來抵抗以色列人。In會án-ne聯合起來,是因為耶利哥城kah艾城已經淪陷,而且in聽過有關以色列人脫離埃及人,經過紅海、約旦河ê神奇事件,因為án-ne,tī in看起來,只有想辦法chiah ē-tàng抵擋會tiâu chit-ê tī in看起來是真奇怪ê民族攻勢。Á事(tāi)先出招ê是tòa tī基遍地方ê希未人。In採用ê方式就是用「欺騙」ê方法,hō͘以色列人kah約書亞相信in編造ê白賊。雖然後來約書亞發見基遍人欺騙伊,m̄-koh並無殺害in,卻是hō͘基遍人成做以色列人ê奴隸。這mā是第一pái以色列人tùi過去作埃及人奴隸,變成擁有奴隸ê族群。

Koh講,作者mā用chit章經文說明一個重要ê信仰態度:若用上帝ê名chiù-chōa,就一定tio̍h嚴格遵守所chiù ê chōa言。

當以色列人進入迦南地,phah破耶利哥城,續落來毀滅了艾城,這hō͘迦南地ê居民kah族群大大驚惶不安,in決定beh先採取行動。

第1到2節,chia列出六個迦南地ê族群,包括有赫人、亞摩利人、迦南人、比利洗人、希未人、耶布斯人。另外mā講tio̍h北邊ê黎巴嫩人聽tio̍h chiah-ê消息而大tio̍h驚。因為án-ne,in決定beh聯合起來對抗以色列人。

第3到6節,tāi先出手來kah約書亞交手ê,就是tòa tī基遍地方ê希未人。In其實是tòa tī艾城ê附近,卻騙約書亞講in是來自真遠ê所在。為tio̍h beh欺騙約書亞kah以色列代表,故意用發霉ê餅,會漏ê酒袋,以及破舊ê衫褲,來掩蓋(khàm)in是附近ê居民,in希望博取約書亞ê同情並表示in期待kah以色列人簽訂和平條約。

第7到13節,因為摩西交帶in進入迦南地了後,tio̍h消滅希未人(參考申命記二十:17)。為tio̍h beh避免被以色列人像對待耶利哥城kah艾城ê人民仝款,因為án-ne,in表示來求和 ê,並無希望受tio̍h武力ê侵犯。

第14到15節,以色列人無詢問上帝,就收下了in帶來chiah-ê已經腐pháiⁿ ê食物kah禮物,並且kah基遍人訂立了「友好條約」,發重誓不殺害in。

重新查詢 專卷研經 約書亞記系列
錯誤回報,請聯繫comm[@]fhl.net