約書亞記 11章1節 到 11章15節   背景資料  上一筆  下一筆
Chit章是延續第十章,主要teh說明迦南地各部落、郡主、城邦ê王,in一聽tio̍h以色列軍隊勢如破竹般直搗迦南地南部ê各區域,chit-má換做迦南地北部各地ê真chē部落、族群、郡主、城邦lóng整裝聯合koh khah chē ê軍隊,為tio̍h是beh希望ē-tàng將以色列ê勢力驅逐出去,m̄-koh結果ná親像南部ê族群仝款,iáu是hō͘約書亞帶領ê以色列軍隊hō͘擊潰。

南方ê部落是由耶路撒冷王帶頭,chit-má北方ê是由夏瑣王耶賓帶頭,傳話hō͘其他部落領袖,包括瑪頓王約巴、伸崙王、押soah王,以及北邊山區、加利利湖南邊ê約旦谷、丘陵地帶kah多珥附近沿海一帶諸王等,這表示夏瑣王ê影響力非常大,甚至iáu召集南部一kóa iáu未降服tī以色列ê地區部落,大家lóng相聯繫集合起來,beh攻打以色列。作者用in「人數加得tio̍h像海灘上ê沙粒。In擁有真chē馬匹kah戰車」,tio̍h kah以色列人作戰。

第1到5節,真清楚將北部聯軍kah南部幾個部落ê軍隊連結,主要攻打ê對象,就是以色列ê軍隊。其實,這mā是迦南人ê保衛戰,聯盟共同出擊,mā表示in彼此ê利害相關連。當區域發生危險ê時,無任何一個部落、族群ē-tàng置身度外。

第6節,是kui章ê中心經文,主要teh說明無論對敵以色列ê軍隊有jōa-ni̍h-á精銳,á是人數jōa-ni̍h-á龐大,只要有上帝kah以色列軍隊同在,in lóng m̄免驚惶,因為真正teh相刣ê,m̄是以色列軍隊,是上帝親自為以色列人戰爭,無人甚麼人ē-tàng抵擋得了上帝。

第7到9節,chit段講述約書亞帶領以色列人ê軍隊攻落了北到米斯利弗‧瑪音kah西頓,東到米斯巴谷,直到kā敵人擊退並且刣了了為止。約書亞lóng是照上帝hō͘伊ê指示去做。

第10到11節,將北部kah東部ê頂面所講chiah-ê族群、部落攻陷了後,約書亞率軍轉向tńg來攻打北部地區siōng強大ê夏瑣國,mā是仝款徹底毀滅hit-ê城,kah人民。

第12到14節,thang看出作者ê主要目的,就是beh說明約書亞像摩西仝款,只要是上主所命令ê事,伊lóng遵照去行。Tio̍h注意ê,是chia特別提起北部地區ê城市,除了夏瑣被徹底毀滅外,其餘都無,m̄-koh以色列人洗劫了城內所有ê財物並刣了了城內所有ê人民。

第15節,chit節koh一pái強調約書亞kah摩西仝款,lóng是上帝忠僕,只要上帝ê命令,約書亞像摩西,lóng一一遵照án-ne去做。

重新查詢 專卷研經 約書亞記系列
錯誤回報,請聯繫comm[@]fhl.net