約伯記 31章29節 到 31章40節   背景資料  上一筆  下一筆
Chit段經文是約伯講述伊ê心思意念是絕對清氣ê,並且teh對待tú-tio̍h困境ê人,伊m̄-nā無幸災樂禍,卻是心中充滿tio̍h同情,而且是用確實ê行動表現伊對別人ê慈愛,甚至tī仇敵tú-tio̍h災難ê時,m̄-nā bē tùi án-ne歡喜,反tńg會伸手去幫助伊(參考箴言廿五:21—22)。Tī chia,伊koh一pái向上帝表白伊ê心跡,伊期待上帝ē-tàng為伊做主,作審判者,恢復伊ê清白。因為伊深信上帝是公義ê,必定會做出公義ê審判。

第29到30節,chit兩節tú好講出約伯和伊chit三位朋友之間ê差別;伊ê朋友看tio̍h約伯án-ne落魄ê時,反為認為伊hō͘ 上帝懲罰,約伯是罪有應得。M̄-koh約伯和伊ê chiah-ê朋友作法完全無相仝;當伊ê朋友受難ê時,伊從來m̄-bat加添in任何ê苦難,m̄-koh伊ê chiah-ê朋友卻是án-ne對待伊,增加伊ê重擔(參考十六:2、十九:2)。

第31到32節,約伯koh一pái表示家己bat對生活陷入困境ê人,一再伸出援手救助,以表示伊並無親像第29到30節所講述ê hit種,對遭遇困境而生活落魄ê人採取譏笑ê態度,反tńg是hō͘ in極大ê幫忙,並隨時伸手救助。

第33到34節,約伯強烈表示家己確實是無辜受難,伊並m̄是一個會偽裝ê人,卻是用真實、坦蕩蕩ê態度面對審判。Mā因為án-ne,伊講即使上了法庭mā是仝款,伊一定會為家己ê清白辯護,因為伊確實無犯罪。

第35到36節,約伯koh一pái表示用性命嚴肅ê態度發出誓言,表明家己所講ê lóng「句句真實」。chit-má伊仝款ê祈求,希望hiah-ê控告伊犯罪ê人,特別是伊ê chiah-ê朋友,kā in對約伯ê控告寫出來,伊語帶諷刺地講ài kā眾朋友ê告狀當做榮耀ê冠冕戴tī頭殼頂。原因是chiah-ê控告lóng是無中生有,因為約伯都無犯chiah-ê錯誤。Á公義ê審判者必定會清楚知影伊是清白無罪ê。因為án-ne,chiah-ê虛假ê控告,對伊m̄-nā無損害,反tńg會加添伊ê榮耀。

第37節,chit節thang對照第十九章25到27節。

第38到40節,chit三節是teh指有人是用侵佔別人土地ê方式,來擴充家己ê財富收入。M̄-koh約伯koh一pái以chiù-chōa ê方式表示,願意不計代價證明家己絕對無做過chit款tāi-chì,伊用家己擁有ê田園、土地作擔保,表示絕對無做chit種事。

第40節c句,表明約伯ê話就到chia有一個段落。

重新查詢 專卷研經 約伯記系列
錯誤回報,請聯繫comm[@]fhl.net