約伯記 24章18節 到 24章25節   背景資料  上一筆  下一筆
Ná親像頭前講過ê,chit段經文是瑣法ê發言,內容kah約伯一貫ê語法無仝;tī約伯kah chiah-ê朋友對話中,伊ê朋友lóng是強調邪惡ê人會遭遇真chē無好ê結果,m̄-koh約伯ê看法tú好顛倒。親像:第八章16到19節;第十五章20到35節;第十八章5到21節;第二十章5到29節等等。約伯ê論點裡並m̄是講邪惡ê人bē遇tio̍h上帝懲罰,而比較hō͘伊困擾ê問題是:為甚麼連好人mā會tú-tio̍h邪惡ê人應該有ê苦難之果?án-ne chiah是伊想beh提出來ê問題。Tī伊ê看法裡,公義ê上帝應該是會分辨好bái善惡ê。

第18到20節,瑣法一貫ê論調就是好人有好報,pháiⁿ人有惡報。因為án-ne伊講邪惡ê人會遇tio̍h ê惡報有下列幾種:

一是邪惡ê人會hō͘「大水」沖行,這表示in會喪失性命,而且in ê「土地hō͘ 上帝詛咒」,因為án-ne葡萄園會荒廢無收成。

    二是邪惡ê人所累積起來ê財富,真緊to̍h會消失殆盡。「炎熱」所表示ê,ná親像炎熱ê陽光照耀tio̍h,hō͘ in ê惡質行踏完全暴露出來。Á「陰間吞食犯罪ê人」,這表示作惡ê人真緊to̍h會hō͘掠,而且hō͘ 上帝關入深淵中,無法度復出。

三是邪惡人ê惡質行踏,ē-sái得連生育in ê老母mā m̄敢認in,因為in就ná親像「樹木被蟲子食掉」,m̄-nā外型改變,甚至所有累積起來ê財富lóng會因為為無上帝賜福一切落空。

第21節,chit節提起邪惡者siōng令上帝痛恨ê行為就是「虐待寡婦」,這表示in膽敢違背摩西律法所禁止ê行為,mā表示in心目中根本無kā上帝khǹg tī眼內,甚至對「無法度生育ê婦人」,無任何憐憫ê心。

    第22到24節,chit段經文是瑣法強調上帝必定會懲罰邪惡ê人,雖然目前chiah-ê邪惡者看起來是興旺ê,m̄-koh he只是暫時ê,bē真久。伊認為上帝一定會懲罰邪惡ê人,方式是:

一、kā chiah-ê「強暴ê人」hō͘「消滅」掉,hit時chiah-ê邪惡者lóng會「死亡」。

二、hō͘ chiah-ê邪惡者「像草木凋殘,像穗稈被割落」來仝款枯焦死。 
 
第25節,chit節比較khah sêng是約伯所提出來ê結論,mā就是為chit章第2到17節ê結論。伊khah強調ê是:伊所講ê lóng是屬實,無人thang反駁伊。不過khǹg tī瑣法ê結語了後mā真貼切,hō͘瑣法ê語句強化,並且kah約伯ê論點呈現強烈ê對比。

重新查詢 專卷研經 約伯記系列
錯誤回報,請聯繫comm[@]fhl.net