耶利米書 6章1節 到 6章15節   背景資料  上一筆  下一筆
Chit章是講tio̍h敵人已經兵臨城下,真緊to̍h beh攻入城裡。Tī第四章6節講tio̍h「大毀滅beh tùi北方臨到」,然後第六章1節開始就講「大災大難teh要tùi北方臨到à」,m̄-koh顯然ê,先知對當時耶路撒冷ê人民講出chit種信息,in kah-ná無感á是iáu執迷不悟。

Thang kā chit章分做三個段落,一是tùi第1到8節,先知ê信息是呼籲in趕緊逃走pah,因為敵人就beh到à;二是第9到15節,先知iáu心存一絲ǹg望,希望ē-tàng chhōe-tio̍h真正對上帝忠心ê子民,m̄-koh這期望是落空了;三是第16到30節,chit段經文描述猶大人民iáu-koh無願意聽從上帝奴僕先知ê信息,in一意孤行。

Chit段經文是teh kā南國猶大人民講,tùi北方來ê敵人,就是teh代表上帝已經teh生氣、忿怒了,若是大家iáu想beh生存落去,m̄-thang受tio̍h koh khah大ê災難,趕緊悔改是iáu會赴。M̄-koh猶大人民真正ê問題,就是拒絕聽從上帝ê話,甚至嚴重到連該忠於上帝ê奴僕—祭司kah先知—mā仝款犯罪,甚至是帶頭犯罪,án-ne chiah是真正ê問題所在。

第1到3節,chit段經文講出北方ê敵人已經接近耶路撒冷了,因為án-ne,chia呼籲「便雅憫人」ài趕緊「逃命」,並且beh「tī提哥亞吹號」,提哥亞是設tī耶路撒冷以南大約20公里ê所在,而「伯哈‧基琳」,這是為tī耶路撒冷以南約三公里ê所在,chit-má ê名是「拉米拉亥」(Ramet Rahel)。先知耶利米講ài tī chit座守望台點to̍h烽火作為警告,hō͘耶路撒冷城內ê以色列人民趕緊逃出來。因為耶路撒冷城真緊to̍h會hō͘強ê敵人hō͘「毀滅」。來攻擊耶路撒冷ê,是「列國ê君王beh率領in ê軍隊」,因為án-ne表示m̄是只有巴比倫軍隊而已,iáu有其他ê國家mā加入聯軍行列。Chiah-ê聯軍已經包圍了耶路撒冷,猶大人民無所在thang逃。

第4到5節,chit兩節是攻擊ê敵方彼此之間ê對話,表示原來攻打耶路撒冷ê聯軍,是準備連瞑攻擊,一絲á無停留,連hō͘耶路撒冷人民喘氣ê機會mā無。

第6到7節,「phut伐樹木,堆造土壘」,前者是為tio̍h用樹幹當做撞開城門,á是kah堆高ê土壘同齊架khǹg tī牆壁頂面作為攀爬城牆ê路用。即使是án-ne,耶路撒冷ê人民連一點悔改ê意念mā無,iáu繼續不斷來像「水井不斷來湧出清水」一般犯罪,而koh khah令上帝受氣ê,是in ê手段是jú來jú「殘暴」,致使受害人民呼喊ê聲音chiap-chiap傳出,受害者ê「病痛kah傷痕」不斷出現。

第8節,tùi chit節thang看出上帝tī非常忿怒中,iáu是心存憐憫 ,呼籲耶路撒冷ê人民趕緊悔改歸向上帝。若無,上帝會「棄sak」in,hō͘耶路撒冷「城荒廢,無人khiā起」,in會被掠到外國去,hō͘耶路撒冷城變成空城、廢墟無khiā起ê所在。

第9節,chit節用採收葡萄園裡ê葡萄做譬喻,來說明猶大人民teh beh面臨ê災難,ná親像葡萄園裡ê葡萄一般會全部被挽光。Chit句「盡量搶救殘存ê人」,有一個意思,就是beh把握chit-ê機會,tī敵人iáu未tńg來chìn前,搶救hiah-ê殘存ê人民,ná親像趕緊去kāchhun落來ê葡萄摘落來仝款。Chit種「殘存」子民ê觀念一再出現tī先知耶利米ê信息中(參考四:27、五:18、四十六:28),表達上帝是充滿恩典慈悲ê神,雖然祂tī非常忿怒中,lóng是會留落來了一kóa忠實tī祂ê子民。

第10到11節a句,chit節講出先知耶利米tńg來覆上帝ê話,講出真正ê問題是猶大人民並無聽從伊傳達ê信息,in心中固執,甚至kā上帝ê信息當做「講sńg笑」,而每一pái上帝決定beh懲罰猶大ê信息出來,先知耶利米心中就會艱苦心到ná親像火tī心中「火燒」,無法度忍受。

第11節b句到15節,chit段經文koh一pái出現tī第八章10到12節。

上帝回答先知耶利米ê話,真清楚講tio̍h猶大人民會「受掠」,財產會被洗劫、侵佔。上帝mā清楚說明祂會án-ne對家己ê子民受氣ê原因,就是in lóng「貪圖不義之財,連先知kah祭司mā欺詐人民」,而lóng傳出虛假ê信息,竟然m̄知見笑。

重新查詢 專卷研經 耶利米書系列
錯誤回報,請聯繫comm[@]fhl.net