耶利米書 52章12節 到 52章23節   背景資料  上一筆  下一筆
Chit段經文thang參考列王記下第廿五章8到17節。記載ê內容差不多lóng仝款。

這是teh描寫耶路撒冷城被毀壞、聖殿被燒毀ê經過。對以色列民族來講,這是非常艱苦心ê一件事,因為久長以來,in lóng有一個看法:耶路撒冷城是無法度攻破ê,m̄-koh tī主前597年雖然m̄是被攻破,卻是開門hō͘外國軍隊攻入。Koh khah嚴重ê是,自所羅門王建造聖殿以來,以色列人民一直認為:耶路撒冷聖殿乃是上帝khiā起ê所在,祂為tio̍h家己ê榮耀,必定會固守該聖殿無受外族人ê侵犯,因為外族人進入聖殿,等於是褻瀆了聖殿ê神聖仝款ê嚴重。M̄-koh tī主前597年巴比倫王尼布甲尼撒就已經差遣軍隊進入,並且搜刮了一切貴重ê物件。

第12節,「巴比倫王尼布甲尼撒ê第十九年五月十日」,在列王紀下第廿五章8節講「七日」,真確ê日子bē-tàng而知。巴比倫王ê「顧問兼侍衛長尼布撒拉旦」率兵進入耶路撒冷。

第13到14節,chit節講尼布撒拉旦下令tio̍h「放火燒毀聖殿、王宮,kah城裡達官貴人ê大厝」。這mā是聖殿第一pái被燒毀,對以色列民族來講是一個非常痛心ê事。撒迦利亞書第七章5節kah第八章19節等等,lóng記載以色列人民每年lóng有固定ê時間禁食哀傷。猶太曆ê五月初7,mā就是耶路撒冷城淪陷、聖殿被燒毀ê日子,就是主前586年八月14日,以色列人民lóng會舉行禁食祈禱,為tio̍h是beh表示哀傷。 

第15到16節,頂pái掠去巴比倫做奴隸ê人所chhun下ê,chia講koh一pái kā向尼布撒拉旦「投降ê人,以及技工lóng掠到巴比倫去」。換句話講,南國猶大ê以色列人民中,所有ê菁英盡數hông掠去巴比倫做奴隸,只chhun「siōng窮苦ê人留tī猶大」,然後chiah-ê siōng窮苦ê人會tī「葡萄園kah田裡工作」,表示hō͘ chiah-ê人自生自滅ê意思。

第17到19節,頂pái,巴比倫軍隊是搜刮了所有貴重ê器物(參考列王記下廿四:13—17),chit-má尼布撒拉旦m̄-nā是進入聖殿,而且iáu「phah碎了聖殿ê銅柱、銅座,kah大銅海」,kā chiah-ê phah pháiⁿ ê銅片lóng「運到巴比倫」。Mā同時搜刮了所有「禮拜用ê各種銅器lóng帶走」,chiah-ê器物lóng是用純金、銀、銅「鑄造ê各種器具」等物lóng帶走。In帶去巴比倫供俸hō͘巴比倫人ê主神彼勒(參考五十一:44、五十:2)當做禮物。
 
第20到23節,chit段經文thang參考列王記上第七章15到22節。

Chit段經文講所羅門王建造聖殿ê時,所有敬拜用á是裝飾用貴重ê物件,一概lóng被搜刮殆盡,單單tī銅器方面,其數量ê chē,ná親像作者tī chia所講ê,「chiah-ê銅器ê重量無法度thang稱」,意思是無夠額ê磅秤thang秤出chiah-ê銅器ê重量。

重新查詢 專卷研經 耶利米書系列
錯誤回報,請聯繫comm[@]fhl.net