耶利米書 32章1節 到 32章15節   背景資料  上一筆  下一筆
Chit章kah第三十三章ê背景lóng是主前587年,巴比倫ê軍隊tú-teh攻擊耶路撒冷城ê時chūn,hit時先知耶利米被關進王宮ê監獄裡(參考三十二:2、三十三:1)。Tī he段被圍困ê時間中,耶路撒冷城已經飽受饑荒、瘟疫ê蹂躪了(參考第24節)。後來巴比倫王聽tio̍h埃及ê法老出兵beh來支援猶大,伊tòe將軍隊先撤tńg來,避免kah埃及正面衝突,這致使猶大國bat得tio̍h小khóa喘息ê機會。M̄-koh,猶大國ê政局並無因為án-ne改善恢復秩序,猶原非常ê混亂,社會動盪,民心不安。第三十二章就是tī chit種危機政局下,上帝ài先知耶利米以購買土地ê方式,隱喻tio̍h上帝beh重新整理以色列民族,用chit種方式講出上帝beh koh一pái復興以色列民族ê決心。因為án-ne,mā thang kā chit章經文看做是先知耶利米傳出了「希望ê信息」,hō͘生活tī絕望中ê猶大人民看見上帝拯救ê疼。

Chit段經文記載先知耶利米雖然被關入監牢中,m̄-koh並無因為án-ne拒絕上帝beh伊傳出ê信息。Chia是用象徵性ê方式傳出上帝ê信息,先知耶利米用置產ê方式,隱喻說明tī一個動盪不安ê時代,大家lóng會盡量變賣財產,準備到各地去避難。相對ê,先知耶利米是購置田地來表明beh對上帝有信心。

第1到2節,「西底家做王統治猶大國ê第十年,mā是尼布甲尼撒王統治巴比倫ê第十八年」,這tú好是主前587年。隔年586年耶路撒冷就淪陷被摧毀了。Tī chit時chūn,上帝傳hō͘先知耶利米信息,m̄-koh伊chit時正被關tī「王宮ê監獄裡」。

第3到5節,chit三節說明西底家王kā先知耶利米關進監牢ê原因。原來先知耶利米一再「發出ê預言」,hō͘西底家王真討厭,因為這預言表示上帝beh kā耶路撒冷城交到「巴比倫王手中,hō͘伊佔領」,而且講西底家王會hông掠去巴比倫,會死tī巴比倫(參考五十二:11)。聽tī西底家王耳中真不爽快,因為án-ne kui氣kā先知耶利米關入王宮ê監獄裡,而且只hō͘伊真簡單ê食物,直到城裡都無食物ê時chūn(參考三十七:17—21)。其實,先知耶利米並m̄是第一pái án-ne講,卻是kúi-nā-pái lóng講出仝款ê預言(參考廿一:3—7、三十四:1—5、三十七:17—20、三十八:14—23)。

第6到8節,上帝kā先知耶利米講講伊ê「a叔沙龍ê kiáⁿ哈拿默」,會來監獄探望伊,祂會ài先知耶利米購買伊ê土地。果然「tú親像上主講ê」,哈拿默真正來,而且提起chit件事,先知耶利米就確信這是上帝beh伊做ê事,伊就一屑á都無躊躇接受哈拿默ê提議。

第9到12節,先知耶利米聽上帝ê指示,用「十七塊銀á」買哈拿默ê土地。不過十七塊銀á並m̄是一筆大數目,這是因為當時國家局勢已經非常危險,房地產自然是無人beh來探頭,sio̍k是thang想像會tio̍h ê。然後「請人做證,簽了地契,封好」,這表示買賣完成。M̄-koh真oh理解先知耶利米被關tī監獄竟然iáu ē-tàng做土地買賣ê商業行為。不過聖經作者tī編撰上,siōng關心ê是隱喻,卻m̄是細節ê部分。Chit份土地交易ê見證人,是「監獄裡所有ê猶太人」,因為chit時chūn別人tī監獄中,而先知耶利米ê文件則交由伊ê秘書「巴錄」保管。

第13到14節,先知耶利米kā chit比交易ê兩份文件lóng交hō͘巴錄保管,ài伊kā它khǹg tī「甕子裡,真長久保存」。Chit種甕子,是用陶瓷作材料製造ê,早期文件lóng是保存tī chit種甕á內,thang存留真久。

第15節,chit節ē-sái講是chit章信息siōng重要ê一節。Chit節真清楚teh表示原本亡國ê以色列人民會得tio̍h重回故鄉家園ê機會,並且會tùi亡國ê慘況中重新建立家園。Chit件事tī亡國tī巴比倫後ê五十年,mā就是主前538年,波斯帝國取代了巴比倫帝國ê統治地位ê時得tio̍h證實,因為波斯帝國ê皇帝塞魯士允准以色列民族回鄉重建家園(參考以斯拉記第一章)。

重新查詢 專卷研經 耶利米書系列
錯誤回報,請聯繫comm[@]fhl.net