耶利米書 2章26節 到 2章37節   背景資料  上一筆  下一筆
Chit段經文真清楚指出猶大人民改認chiah-ê偶像神明當做in ê父母,m̄-koh chiah-ê是虛假ê神,並無會救人,顛倒ê,kan-taⁿ會帶領信徒誤入歧途而已。Mā koh一pái重複頭前所提起過ê問題,清楚說明猶大人民遭遇ê災難,是tùi上帝來,因為in背叛了上帝,並且iáu殺害上帝ê奴僕。

第26到27節,先知耶利米tī chia用「賊á」一詞來形容猶大人民拜偶像神明ê樣式,既驚上帝知影,卻愛拜偶像神明到差不多ná親像慣竊仝款ê程度,無法度約束家己ê行為。M̄-koh in chit種行為lóng顯露出來,無法度隱藏,而且m̄-nā是人民棄sak上帝,去拜偶像,連「君王、官長、祭司、先知」,chiah-ê社會領袖mā是仝款帶領人民「背離了」上帝,竟然是「認木頭作爸爸,叫石頭作媽媽」,m̄-koh chiah-ê lóng kā為in帶來災禍。

第28節,「猶大人,lín ê神明像lín ê城市仝款chē。」chit句話thang參考第十一章13節。M̄-koh chiah-ê lóng是虛假ê神明,當猶大人民tú-tio̍h災難ê時,chiah-ê虛假ê神明並無法度來救助in,而tī chia ê時,in卻ài上帝拯救in。chit-má先知耶利米ài in去向chiah-ê偶像神明求救pah。

第29到30節,上帝指控猶大人民m̄-nā拒絕上帝奴僕先知ê勸勉,甚至iáu「殺害家己ê先知」(參考廿六:20—23,尼希米記九:26),這表示猶大人民ê心已經硬化到極點bē-sái(參考耶利米書五:3)。

第31到34節,雖然是án-ne,chit位慈悲ê上帝iáu是呼籲猶大人民一定會回頭過來歸向上帝,m̄-thang像是一個「久長bē記得」上帝ê選民。

Tī第32節chia用婚禮用ê貴重裝飾品來譬喻,一個新娘絕對bē bē記得家己beh穿ê新娘「禮服」,kah所beh配戴ê「珠寶」。因為這是結婚hit工一定會穿戴ê物件。M̄-koh,悖逆ê猶大人民卻bē記得,á是故意遺棄m̄免。因為in ná親像個淫婦仝款,只知影「追求情郎」,比起ná「siōng淫蕩ê cha-bó͘-gín-á」有過之,而koh khah嚴重ê,是因為去拜偶像ê虛假之神,因為án-ne,就膽敢去做ná欺壓「sàn-chhiah人kah無辜者」ê事,殘害別人ê性命,chit種流「無辜者ê血」,特別是teh指獻兒童為祭hō͘神明(參考列王記下十六:3、十七:17、廿一:6、廿四:4,以賽亞書五十七:5)。Chiah-ê gín-á lóng是「無侵犯」ê能力者。這是上帝絕對bē罷休ê事。
第35節,tùi chia thang看出in做chit種殘害無辜者,m̄-nā「m̄承認家己ê罪」,卻hoah冤枉講家己是「無辜ê」,並且真自信地認為上帝ê「忿怒已經消失」,其實無,上帝ê受氣正熾,而且已經發出大受氣。換句話講,in對上帝ê認知已經錯誤。

第36到37節,先知耶利米傳出上帝ê話,講猶大人民「貶低家己,轉向異國ê神明」,而想走chhōe「埃及」á是「亞述」庇護in免遭巴比倫帝國ê侵犯,m̄-koh結果這兩國lóng hō͘ in失望,而且beh hō͘ in蒙羞、狼狽四界亂竄逃走。Mā因為上帝「棄絕」in,beh毀壞所有ê偶像神明,用chit種方式hō͘ in喪失所有ê一切,這是上帝用來懲罰in ê方式。

重新查詢 專卷研經 耶利米書系列
錯誤回報,請聯繫comm[@]fhl.net